Diario do IES Porta da Auga

Ruta literarias polo Museo … e máis!

2012-02-08T10:54:00.004+01:00

O pasado 31 de xaneiro, coa realización da ruta literaria polo Museo Provincial de Lugo, os alumnos de 1º de ESO puxeron fin a unha actividade que xa viñan preparando no IES desde decembro.

Nese mes, comezaron a lectura dos catro contos incluídos no libro Contos do museo. Ese é un requisito previo para o bon aproveitamento da actividade: subgrupos de cinco alumnos deben competir contestando, nun tempo limitado a un cuestionario sobre os textos lidos previamente e sobre información a recoller no museo (obras, autores, etc.). Os equipos gañadores reciben un pequeño agasallo.

Pero retomemos a historia de que como foi a xornada. Con bon ánimo e cos deberes feitos (lease lectura), saímos ás 8:35 h. do Instituto. Ao pasar por Meira detivémonos a dar un paseiño en Fonmiñá, ou sexa, no “nacemento do Miño”, do pai Miño.

Ás 10:30, 1º ESO A entra a facer a súa ruta no museo, mentras 1º B inicia a sua andaina polo adarve da muralla, que, como sabes, foi distinguida como patrimonio da humanidade. Pero sabías que é a unica muralla romana que conserva todo o seu perímetro? Ás 12:00, procédese ao cambio: 1º B entra no museo e 1º A comeza a súa andaina de 2.266 m. polo monumento.

Ás 13:30, reunión de ambos grupos e, como premio dado o bon comportamento de todo o grupo, saída cara o Centro comercial As Termas, onde se procede a liquidar o último bocata, ... se é que sobrevivira ata ese momento.

Ás 15:00, chegada ao Castro de Viladonga. Visita ao castro, visualización do interesante audiovisual, e visita ao museo, cada vez máis interactivo.

... E ás 17:30, arrivada a Ribadeo, non sen antes compartir no autobús

“Delícia, delicia
Assim você me mata
Ai se eu te pego, ai ai se eu te pego”

A actividade estivo organizada polo Equipo de Dinamización da Lingua Galega.

Aproveitamos o "Día dos Humedais" para facer observacións na Ría de Ribadeo.

2012-02-02T11:27:00.002+01:00

O alumnado de 4º de ESO que cursa a materia de Bioloxía e Xeoloxía desprazouse ata a Ría de Ribadeo para realizar observacións de flora e fauna. Lembramos así que hoxe é o "Día dos Humedais"

Entregouse a cesta do sorteo de Nadal

2012-01-11T13:22:00.007+01:00

A cesta donada por EROSKI como patrocinio da excursión de fin de curso de 4º de ESO marchou para Navia, de alí é a feliz agraciada que comprou a papeleta gañadora a un dos nosos alumnos, precisamente nese mesmo centro comercial.

1º e 2º de ESO viviron HORA AZUL con Tropa de Trapo

2011-12-21T13:16:00.003+01:00

Foi o último día de clase antes das vacacións de Nadal. Marta, coa súa palabra, e Brais, coa música e tamén coa palabra, esta curiosa tropa como eles se califican, conducíronnos por un espectáculo mestura de contos lonxanos e cercanos, de romarías e desertos, de mulleres que non se renden, de nenos que xogan, de homes que emigran… Catro contos de Marrocos, de Alxeria, da Galiza… de calquera parte do mundo e de todas á vez.
Contos de mulleres valentes en tempos difíciles, festas nunha aldea galega, lendas marroquís… Historias ao son da guitarra portuguesa, do laúde árabe, da darbouka, do caixón flamenco e das karkaba. Ideais, valores, cartos, historias de amor entre as areas do Sáhara e o torreiro de Chandebrito, que nos fixeron ... sentir.
E a continuación, no obradoiro, 1º de ESO iniciouse no oficio, de contacontos, claro. Houbo que deixar sair a imaxinación, desinhibirse para ver que tod@s temos habilidades narrativas e escénicas ... ah! e valorar a importancia de escoitar.

A actividade foi organizada polo Equipo de dinamización da lingua galega.

Obradoiro de transformación de produtos lácteos.

2011-12-21T11:20:00.003+01:00

O 21 de decembro o alumnado de 1º de Bacharelato que cursa a materia de Bioloxía e xeoloxía asitíu a un obradoiro de transformación de produtoa lácteos celebrado no Centro de Formación e Experimentación Agroforestal Pedro Murias.

A valorización do medio rural, así como a fixación da poboación no mesmo, aparecen como liñas básicas de actuación de organismos como a UE e a Consellería do Medio Rural. Polo tanto entendemos que a formación debe ir encamiñada á contribución de conseguir estes obxectivos. De tal maneira que a diversificación das producións é o mellor aproveitamento dos recursos
propios, dá lugar á consecución nas mesmas dun maior valor engadido, nos procesos de produción, baixo unha denominación de calidade específica, contribuíndo así en parte á consecución destes obxectivos.

O C.F.E.A. Pedro Murias, inscrito no CRAEGA (Consello Regulador de Agricultura Ecolóxica) conta cun Obradoiro de Lácteos, sendo polo tanto o lugar axeitado para contribuír en parte a estes fins.

Pretendese entonces adquirir os coñecementos básicos dos procesos de transformación de leite en produtos lácteos derivados de amplo consumo:

Coñecer e diferenciar os principais compoñentes do leite, así como a importancia dentro da estabilidade da solución e polo tanto naelaboración de produtos lácteos.
Coñecer os diferentes tipos de callo e as peculiaridades da callada.
Describir os fundamentos básicos na fabricación de queixos e leites fermentadas.
Diferenciar as principais características tecnolóxicas das ultimas denominacións de orixe de queixo que se elaboran en Galicia.
Coñecer as diferentes etapas do proceso produtivo na elaboración de produtos lácteos, incidencia nos obxectivos das mesmas, tecnoloxías empregadas, variables, parámetros e
control da súa incidencia na calidade e produtividade.

Programa realizado:

Introdución á queixería.
Introdución ás leites fermentadas.
Taller práctico de elaboración de queixo da D.O. Arzua Ulloa.

Bo Nadal e próspero ano 2012

2011-12-19T11:45:00.003+01:00

Segunda parte do intercambio co IES Aquis Celenis de Caldas de Reis

2011-06-13T12:38:00.007+02:00

O pasado 31 de maio, os alumnos/as do IES Aquis Celenis visitaron Ribadeo, correspondendo á nosa visita previa a de Caldas de Reis. Ambas inscribíronse dentro do actividade de intercambio con outro centro educativo galego, programada polo Equipo de dinamización da Lingua Galega, que ten entre os seus obxectivos coñecer outras zonas do noso país e promover o uso do noso idioma.

Foi unha xornada amena e interesante, na que todos/as, de Caldas ou de Ribadeo, aprendemos algo máis sobre a nosa localidade, a nosa historia, o noso presente, as nosas particularidades lingüísticas, ... sin faltar ás referencias ao noso caracter e a sección de curiosidades.

A xornada comezou ás 12:00 h. cunha breve recepción a cargo do noso director e dos alumnos participantes. A continuación fomos a pé polo paseo marítimo, usamos o ascensor da Atalaia, continuamos ata o Cargadoiro, entramos no Castelo San Damián e rematamos subindo ao faro de Illa Pancha.

Posteriormente, xantamos en Santa Cruz, onde tamén nos divertimos ao grande con actividades como o tiro de corda ou o xogo do pano.

Á tarde, organizados en grupos, realizamos unha rota urbana comentada, na que todos, incluso nós, descubrimos aspectos nos que, de non ser así, non repararíamos.

Para rematar a xornada, dirixímonos a Rinlo, onde nos despedimos, quedando con novos amigos e amigas, cos que seguiremos en contacto. (Álbum).

O alumnado é o protagonista

2011-06-13T12:32:00.004+02:00

O pasado 21 de xuño, os alumn@s de 4º ESO que cursan bioloxía, viaxaron a Pontevedra para participar, por segundo ano, nunha das actividades da Axenda 21: o encontro “O alumnado é o protagonista”. Expuxeron un traballo feito durante este curso e que leva por título “Un ecosistema: A Ría de Ribadeo” que xa puido verse na nosa Feira da Ciencia e que tamén levamos ó día da Ciencia na rúa celebrado na Coruña. Trátase dun estudio integral da nosa ría abordando distintos aspectos: orixe, xeomorfoloxía, avifauna invernante, grandes comunidades vexetais, zonación sedimentaria, cultivos, censos e sostibilidade da ría.
Realmente penso que mereceu a pena, non só porque o noso traballo gustou moito e os nosos alumn@s recibiron moitas felicitacións senón tamén porque poidemos observar moitas outras formas de traballar para conseguir un entorno sostible dende áreas tan distintas como lingua, plástica ou matemáticas e con actividades moi variadas pero que todas persiguen o mesmo: a sensibilización ambiental. Está claro que tal e como dixo Mayor Zaragoza “ O noso futuro non dependerá de que mundo deixemos ós nosos fillos senón de que fillos deixemos ó noso mundo”. (Álbum)

Águia pescadora

2011-06-13T12:16:00.004+02:00

Recentemente, os alumnos de 2º ESO A desprazáronse ata Sta Cruz para visitar unha exposición organizada por FAPAS (Fondo para a protección de animais salvaxes) sobre o proxecto de recuperación da águia pescadora na Ría de Ribadeo e na Costa Cantábrica.
A águia pescadora é un ave rapaz, de tamaño medio, con ás fortes e angulosas, visitante habitual da costa asturiana como invernante e que este ano tamén elexiu a nosa ría para pasar o outono e inverno. Houbo un exemplar que os de FAPAS bautizaron como Panchita, anilláronna (para poder seguirlle a pista en anos sucesivos) e colocáronlle na ría algún pousadeiro (estaca de madeira situada en zonas tranquilas, abertas e con boa visibilidade) para que poidera descansar e pescar comodamente. Trátase en definitiva de adoptar medidas de conservación, iguais ás practicadas noutros lugares e destinadas a aumentar o número de exemplares invernantes para revalorizar dende o punto de vista ambiental , toda a Costa Cantábrica. A ver se o próximo outono Panchita e compañía volven á nosa ría!!!

Presentación do libro "25 Años de Futbol Sala"

2011-06-13T11:49:00.009+02:00

Manuel Cadramón, que estudou e foi profesor neste instituto, actual profesor no IES de Becerreá e delegado do Azkar-Lugo, estivo novamente con nós para presentar o seu libro de recente publicación “25 Años de Futbol Sala”.

Correlingua 2011

2011-05-18T10:48:00.003+02:00

(Álbum)

O venres 6, baixo o lema EN GALEGO SEMPRE SOMOS, os alumnos/as de 2º e 3º de ESO participaron no Correlingua da Mariña.

Nesta edición, esta carreira anual en defensa do idioma galego tivo lugar en Burela, reunindo a máis de 1.200 escolares da comarca.

Despois de realizar un percorrido urbano pola vila, a xornada rematou coa leitura do manifesto do Correlingua e as actuacion do mago Martín Camiña e do grupo Som do Galpón, que puxeron o broche final na Praza do Concello.

Matarratos Darwin

2011-05-18T10:38:00.004+02:00

O pasado martes, día 10, os alumnos/as de 3º e 4º de ESO e os de 1º de Bacharelato asistiron a un espectáculo novidoso. Non foi unha conferencia ao uso, pero tampouco unha obra de teatro, senón algo a medio camiño entre as dúas cousas, ao que os pais da criatura, Vicente de Souza, actor e director, e Xurxo Mariño, científico e divulgador, quixeron chamar discurshow .

Darwin é o protagonista do espectáculo. Nel detállase as anécdotas que normalmente non se cotan da viaxe do naturalista británico nos seus tempos de mozo a bordo do barco Beagle. Durante a mesma pasou enfermidades, terremotos, temporais, medo, frío, pero tamén tivo os seus momentos de felicidade.

Esta obra é un bo exemplo de como se pode achegar a ciencia ao público dun xeito ameno, e de que o divertimento non está reñido cos temas máis sisudos. Ademais, a nosa lingua semella darlle máis carta de natureza a esas intencións, xa que, como dicía o lema dunha exposición realizada no noso IES fai pouco, o galego non deixa de ser o noso medio natural.

Non queremos finalizar esta referencia sen indicar que o acto, que tivo lugar no Auditorio Hernán Naval, foi organizado conxuntamente polos dous institutos de ensino da localidade, o IES Gamallo Fierros e o IES Porta da Auga, e que no noso centro foi impulsado polo Equipo de Dinamización da Lingua Galega e polo Departamento de Ciencias.

Intercambio con Caldas de Reis

2011-05-06T09:53:00.009+02:00

O pasado xoves 28 de abril, os alumn@as de 2º e 3º de ESO do noso IES visitaron a vila de Caldas de Reis, dentro das actividades de intercambio co alumnado do IES Aquis Celenis organizadas polo Equipo de Dinamización da Lingua Galega.

A visita comezou ás 11:00 h. Recibíronnos os alumn@s participantes, acompañados dos seus profesores e do Director do centro. A continuación fixemos unha visita guiada pola vila, seguida dun paseo a pé pola beira do Umia ata a moi bonita fervenza de Segade.

A continuación subimos, para xantar, ao mirador do Monte Lobeira, desde onde gozamos dunha espectacular vista de toda a Ría de Arousa.

Á tarde, visitamos Cambados, onde, mesturados os alumn@s dos dous centros, participamos nunha actividade de grupos que nos serviu para coñecer esa vila.

Finalmente dirixímonos á Illa da Toxa, lugar no que moit@s de nós aproveitamos para darnos o primeiro baño da tempada, nunhas augas aínda un pouco fresquiñas.

Todo o bo remata, polo que ás 18:30 h. houbo que emprender o camiño de volta para Ribadeo. Agardamos con impaciencia a devolución da visita, prevista para o día 31 de maio. Intentaremos non desmerecer en nada a súa calorosa acollida.

Foi unha interesante e amena xornada, (Ver álbum de fotos)

II Foro Intercomunitario de Investigación Xuvenil

2011-05-05T17:35:00.003+02:00

XVII Feira da Ciencia

2011-04-26T11:48:00.009+02:00

A XVII edición da Feira da Ciencia rematou o día 15 de abril.
Foron tres días intensos ós que precederon outros moitos de preparación.
Os seguintes enlaces son un compendio do que deu de si esta edición:

Páxína web do centro
Álbum de fotos
El Progreso 09-04-2011
La Voz de Galicia 09-04-2011
El Progreso 13-04-2011
El Progreso 14-04-2011
La Voz de Galicia 14-04-2011

Reciclar para crear

2011-04-10T21:05:00.036+02:00

O pasado xoves, día 31 de marzo, o alumnado de 3º e 4º de ESO organizouse en brigadas de limpeza para recoller lixo que o mar rexeita unha e outra vez despois da nosa torpe insistencia en consideralo un vertedoiro.

Alí topáronse coas nosas vergoñas en forma de infinidade de argalladas plásticas que no seu momento formaron parte desa irresponsable e irrespetuosa maneira que temos de producir, consumir e rexeitar. Cabezas de monecas, botas, zapatos, botellas e botes de mil formas , redes, cordas, aros diversos, nasas …e, sobre todo chanclas, chanclas de todas as cores tamaños e formas. Todo isto constituíu o tesouro que en grandes sacos trouxeron para o IES. (Fotos)

Despois comezou o traballo de darlles a estes obxectos tan diversos unha última utilidade, e así, baixo a batuta de Mª Jesús Colmenero, profesora de plástica, foron xurdindo no patio do centro nubes de chanclas que, despois de flotar na auga, levitan no aire; figuras humanas que nos observan ameazantes dende lugares recónditos, como se estivesen tramando a vinganza pola súa funesta existencia; unha serea envolta en redes que xa non seduce a ningún mariñeiro; serpes do pasado que reptan cara un escuro futuro, e no medio deste macabro escenario, unha foca no alto dun penedo xoga abstraída cunha pelota. (Fotos)

Todo este tétrico elenco desempeña así unha última función conseguindo captar a atención e mover á reflexión sobre o uso que estamos a facer do mar, convertido en reduto final de desperdicios.

Esta actividade enmárcase na nosa participación na Axenda 21 Escolar de Galicia, que persegue, mediante a potenciación da formación en centros, o fomento de valores básicos para a vida e a convivencia na igualdade e sostibilidade.

Visita a Allariz

2011-03-19T18:28:00.002+01:00

O pasado día 15 de Marzo os alumnos de 3º eso fumos a Allariz. Visitamos o Museo do xoguete, o Muiño do burato e o Museo do coiro, ademais de dar unha volta pola vila, facendo especial fincape nas actuacións feitas para a recuperación e proteción do casco histórico.

Pola tarde tivemos unha serie de actividades no Centro de Educación Ambiental do Rexo, donde un monitor chamado Carlos - a quen lle estamos moi agradecidos- explicounos a fauna da zona, ensinounos a granxa das ovellas e como fan os queixos, todo elo con grande entusiasmo, como corresponde a un bó amante da natureza. Por certo -e por sorpresa- tamén nos levou visitar una depuradora ,¡ despois de xantar..............!.

Esta visita está organizada polo "Proxecto Terra". Xa levamos feitas varias actividades planeadas por eles e estamos moi satisfeitos cos resultados.

Álbúm da viaxe

Antroido 2011

2011-03-18T09:48:00.004+01:00

O venres 4 de marzo no IES afloraron os desexos de troula carnavalesca, máis entre alumnado que profesorado, pero de todo houbo, como ben mostran as imaxes: https://picasaweb.google.com/ies.porta.auga/Antroido_2011

Visita ós Xulgados do Social e Rexistro Mercantil

2011-03-02T19:35:00.002+01:00

Un grupo de alumnos/as da familia profesional de Administración do I.E.S. Porta da Auga de Ribadeo, acompañados de dous profesores, acudiron o pasado martes día 22 de febreiro a Lugo para realiza-las seguintes actividades:

1ª. Pola mañá, asistiron nos xulgados do social a varios xuízos nos que se dirimían cuestións como despedimentos improcedentes, reclamación de salarios de tramitación, abuso de contratación eventual por circunstancias da producción, etc., que son conceptos que trataron previamente na clase.

2ª. Pola tarde acudiron ó Rexistro Mercantil, onde catro funcionarios, moi amables por certo, lles explicaron os trámites administrativos a realizar para poder inscribir unha empresa no devandito rexistro, como había que face-la legalización dos libros contables e como había que face-lo depósito das contas anuais das empresas. Cada funcionario fíxolles entrega de copias dos formularios a cumprimentar para cada unha das operacións anteriormente descritas a efectos de que poidan face-las pertinentes prácticas coa cumprimentación dos referidos formularios na clase.

Ás 5 e media da tarde fíxose o regreso a Ribadeo.

14-II-2011

2011-02-28T17:42:00.005+01:00

Amor, Amor, Love, Amour, Amore ...

Tema recurrente na Literatura. Nestas Antoloxías 14-II-2011 encontraredes poemas de amor en linguas que vos son familiares. Desexamos que vos gusten e que deles poidades extraer palabras que vos sexan de utilidade na vosa vida.

ROTAS LITERARIAS polo Museo de Lugo

2011-02-11T19:10:00.001+01:00

O pasado luns, día 7, o alumnado de 1º de ESO participou na actividade ROTAS LITERARIAS polo Museo de Lugo.

Previamente a ese día, as alumnas/os prepararan esta visita lendo o libro CONTOS DE MEDO NO MUSEO. No propio museo, a actividade consistiu en contestar a unha batería de preguntas, parte das cales tiñan resposta nas historias lidas, e, o resto, con solución na observación con pistas das salas de exposición.

As dúas clases de 1º alternáronse nesta visita ao museo e no paseo completo polo adarve da Muralla de Lugo, Ben Patrimonio da Humanidade, que é a única do orixe romana que se conserva ao longo de todo o seu perímetro orixinario.

A participación do no noso centro nesta actividade, sen dúbida ben deseñada por parte do museo, foi organizada polo Equipo de Dinamización da Lingua Galega.

Observación astronómica.

2011-02-08T13:52:00.002+01:00

A noite de venres, o pasado fin de semana, un numeroso grupo de alumnos do IES Porta da Auga, coa materia de Ciencias para o Mundo Contemporáneo, subiu á Casa da ría de Ribadeo, en Santa Cruz, para realizar unha exploración do ceo nocturno.
Acompañados polo profesor Antonio Gregorio, informáronse das características principais dos telescopios na cúpula e aprenderon os rudimentos de orientación no ceo nocturno.
Despois de ver a constelación de Leo sobre Castropol, cara o Norte aprenderon a distinguir a Osa Maior, e dela, saltar á estrela Polar e atopar Cassiopea. A partir desta constelación, e pola Vía Láctea, atoparon o grupo principal de estrelas do noso sur celeste invernal, o hexágono de inverno, centrado en Betelgeuse, na constelación de Orión. Como punto de referencia, Sirio, a estrela máis brilante da noite, e aliñada coas Tres Marías, foron quen de atopar Aldebarán en Tauro e o grupo das Pléiades, empregado como calibrador de agudeza visual.
Despois repasaron outras estrelas da zona: Capella no Cocheiro, Castor e Polux en Xéminis, Proción no Can Menor e Rigel en Orión, así como a nebulosa desta última constelación. Igualmente, descubriron a mitoloxía que involucra ás constelacións de Orión, Tauro e os Cans Maior e Menor.
A visita rematou pasada a medianoite.

2 de febreiro, día dos humidais.

2011-02-07T19:06:00.007+01:00

O 2 de febreiro celebrouse o ¨Día Mundial dos Humedais¨ e os alumnos de 4º ESO de bioloxía saímos á ría para observar este ecosistema. A visita foi didáctica e permitiunos achegarnos á fauna e vexetación que nos rodea.

O máis curiuso, sen dúbida algunha, foi a observación de avesmigratorias que só se deixan ver nas estacións de outono e inverno e que proceden do norte de Europa. Aprendemos a diferenciar garzas, garcetas, cormoráns, mazaricos, ostreiros, correlimos e algúns patos. Como facía moi bó día e a marea estaba empezando a subir, estaban todos en plena actividade buscando o seu alimento e tamén disfrutando do sol.

Pasamolo moi ben e algúns de nós descubrimos unha ría bastante distinta á do verán, con moito bullicio de aves dun lado para outro.

Tamén nos fixamos na flora, tendo en conta que o factor determinante para a súa distribución é a salinidade. Poidemos observar e fotografar as pradeiras de plantas halófilas (zostera) que forman os fondos da ría, pero tamén os extensos xuncais que aparecen a partir de Vilavedelle e os carrizais subhalófilos, que hai a partir de Porto.

Ademais fomos facendo fotos e tomando notas para un traballo que presentaremos na Feira da Ciencia e que se enmarca nos proxectos da Axenda 21 deste curso. Xa veredes o resultado!

4º ESO

O GALEGO É O NOSO MEDIO NATURAL

2011-01-31T19:29:00.003+01:00

O contido desta páxina precisa unha versión máis recente de Adobe Flash Player.

“A lingua e a natureza, dúas realidades que definen Galiza, que identifican a nosa terra, e que nestes momentos precisan do noso alento; eis o obxectivo desta campaña.

Porque, como dixo o poeta do Courel, aínda a Terra é nova, e como aínda é nova a lingua, queremos chamar a atención sobre a necesaria implicación de tod@s na defensa do noso.”

Así comeza a presentación desta campaña a Coordinadora de Equipos de Normalización Lingüística na súa páxina http://www.coordinadoraendl.org/, da que se fixo eco o equipo do noso IES.
Para isto utilizamos as láminas que te invitamos a ver e descargar a través do enlace. Estas, unha vez impresas, estiveron expostas na entrada do noso centro durante tres semanas, e serviron para realizar actividades de aula e un concurso, no que animadamente participou, por clases, todo o alumnado de ESO.

Estes materiais están agora, nun exemplo do que con algo de retranca poderíamos cualificar de exemplo de cooperación e bo aproveitamento dos recursos, circulando por outros centros educativos da Mariña para contribuír á realización de actividades similares.

Agardamos que a campaña contribuíse á concienciación na defensa do noso espazo natural e do noso idioma, porque “para os galegos e as galegas o noso medio natural é o galego.”

Actividade no Centro Pedro Murias

2010-12-31T02:42:00.003+01:00

O luns 20 de decembro de 2010 os alumnos de bioloxía e xeoloxía de 1º de Bacharelato fixemos unha visita ao centro de formación agroforestal Pedro Murias, para facer un queixo tipo Arzúa Ulloa, que precisa unha dobre fermentación.

En primeiro lugar disfrazámonos poñendo batas, gorros, guantes e catiuscas brancas. A continuación entramos na queixería e vertemos 100 litros de leite da granxa ecolóxica do propio centro, nun pasteurizador de fluxo continuo que somete o leite a unha temperatura de 75ºC durante 15 segundos para despois arrefrialo repentinamente. Posteriormente, xa co leite na cuba, engadímoslle uns cultivos de organismos mesófilos (Streptococos lactis e Streptococos cremoris) que transforman a lactosa do leite en ácido láctico. Deixámolos actuar durante 45 min e mentres agasaiáronnos cun aperitivo.

Volvemos facer os controis de Ph, temperatura e engadir o “cuajo” para provocar a coagulación do leite durante 35 min. Neste tempo recibimos unha clase teórica sobre o proceso de elaboración do queixo e a continuación fomos realizando todos os pasos: corte, axitación, delactosado, lavado da pasta, salado, desorado, preprensado, moldeado e prensado final.

Foi unha actividade moi interesante, pasámolo ben e descubrimos que ser un bo mestre queixeiro non é tan doado como poidera parecer. Como este tipo de queixo necesita un tempo de maduración mínimo de 6 días, á volta do Nadal, terémolo como regalo de Reis e ó mellor hasta compartimos....

Decoración de encerados no Nadal de 2010

2010-12-31T02:16:00.004+01:00

Un ano máis, no último día de clase antes das vacacións de Nadal, cada grupo decorou o encerados da súa aula.

O nivel aumenta ano tras ano e o xurado teno cada vez máis difícil. Nesta ocasión foi o grupo de 1º ESO A o que se levou a cesta de produtos de Nadal do 1º premio, pero o xurado fixo mención a outros traballos: ó de 4º ESO pola idea divertida, 4º ESO PDC pola boa técnica e ó de 1º BAC pola representación que o grupo fixo dun divertido Belén vivente.

As decoracións dos encerados destes últimos tres cursos poden verse en:

Curso 2008-09

Curso 2009-10

Curso 2010-11

Felicitación, Nadal 2010

2010-12-22T09:33:00.004+01:00

Non cómpren adornos para unha fermosa árbore.
Nin a mellor mesa para ter compaña.
Nin agasallos para mostrar cariño.
Só cómpre vivir o verdadeiro Espírito do Nadal.

Cos mellores desexos de toda a comunidade educativa do IES Porta da Auga

Viaje a Santiago.

2010-12-20T01:30:00.002+01:00

Experimentamos lo que se siente al vivir un día político en el epicentro de las instituciones democráticas (el Parlamento), en el cual hemos visto vídeos sobre la organización parlamentaria y comportamiento político; conocimos las instalaciones en las que nuestros representantes desempeñan sus funciones, pasándonos por ellos durante unas horas.

A continuación hemos ido paseando por las calles de Santiago de camino al Museo do Pobo Galego, en el cual nos han dejado ir, libre e individualmente, descubriendo las raíces de nuestra cultura antepasada.

Para finalizar nos reunimos ante la Catedral para dirigirnos al autobús y regresar a Ribadeo.

Visita a INDITEX en Arteixo e á cidade de A Coruña

2010-12-19T23:53:00.003+01:00

O xoves, día 12 de decembro, os alumnos/as de Ciclos Medio de Xestión Administrativa e 1º curso do Ciclo Superior de Administración e Finanzas visitaron as instalacións que o grupo téxtil INDITEX posúe na na localidade de Arteixo. Nesta interesante visita puideron observar como se traballaba no deseño e no patronaxe das prendas, na elaboración dos escaparates das distintas marcas do grupo (Zara, Berskha,...), na recepción de pedidos, no corte de teas, na preparación e embalado das mesmas, finalmente, como se realizaba toda a labor loxística inicial para distribuír os pedidos pola rede de tendas do grupo espallada por todo o mundo. Impresiona a capacidade de innovación desta empresa galega.

A continuación realizouse unha visita panorámica polo borde litoral de A Coruña (os Cantóns, Castelo de San Antón, Torre de Hércules, Orzán e Riazor).

Finalmente, e non sen antes dar algún paseo pola zona céntrica e repoñer forzas co xantar, iniciamos a primeira hora da tarde a viaxe de volta a Ribadeo, quedando todas/os con ánimo agardando a próxima visita das programadas polo Departamento de Administración

Axenda 21 Escolar de Galicia, 2010-11

2010-12-09T01:36:00.006+01:00

O IES desenvolve unha campaña de promoción do uso da bicicleta entre o alumnado dentro do proxecto que presentou para a participación na rede de centros que integran a Axenda 21 Escolar de Galicia (A21EG).

“enBICIate”, “Vive a bici”, son parte do reclamo que pretende chamar a atención dos alumnos e alumnas sobre a bicicleta, ese “xoguete” que pode converterse nunha seria alternativa para a mobilidade por Ribadeo. Ademais haberá excursións en bici, ampliación do aparcadoiro para bicis no IES, propostas ao Concello, premios e todas as demais cousas que se non vaian ocorrendo.

O programa presentado para a A21EG/2010-11 contempla outras dúas interesantes actividades: “Un ecosistema: a Ría de Ribadeo” e “Reciclar para crear”. No primeiro, os alumnos e alumnas de 4º de ESO farán un estudo da ría como ecosistema, (biótopo, biocenose e relacións), iniciándose no coñecemento da avifauna migratoria e nos grandes grupos de vexetación que converten á ría nun humedal de importancia internacional; no segundo, despregarán toda a súa capacidade artística e creativa utilizando materiais de refugallo que previamente se recollerán nas praias e caídos da costa.

En definitiva, é un programa pensado para concienciar sobre a sostibilidade no entorno máis próximo ó alumnado. Os primeiros resultados esperamos presentalos na feira da ciencia deste curso.

Unha mirada matemática

2010-11-04T18:00:00.008+01:00

O departamento de matemáticas do IES Porta da Auga pon a disposición de todos os centros educativos a exposición de fotografía matemática "Unha mirada matemática", da que é autora Mª Nieves Díaz Fernández, profesora de matemáticas.

Esta exposición formou parte da XVI Feira da Ciencia e Tecnoloxía, celebrada no curso 2009-10. Trala clausura tomouse a decisión de convertela en exposición itinerante.
Consta de 63 láminas impresas en PVC de 42x32 cm (unha de presentación, dúas de descricións e 60 fotografías). Os interesados poden solicitala por un máximo de 15 días facéndose cargo dos custos de envío e devolución ao IES Porta da Auga.

Non se titularon as fotografías, entendendo que o alumnado pode encontrar referencias ás matemáticas que sirvan para poñerlles título. Para facilitar esta actividade inclúese unha folla que, de forma individual, pode cubrir cada alumno que visite a exposición, servindo así de actividade complementaria ás clases de matemáticas.

Departamento de matemáticas do IES Porta da Auga
Avd. de Luarca s.n. 27700 Ribadeo. Tlf: 982 12 88 94
ies.porta.auga@edu.xunta.es

José Mª Martínez Fernández, profesor do IES, publica un libro de contabilidade.

2010-10-22T00:56:00.013+02:00

O profesor do I.E.S. JOSÉ MARÍA MARTINEZ FERNÁNDEZ ven de publicar nas editoriais TOXOSOUTOS e UNIPRO o libro:

O PLANO XERAL CONTABLE DE PEMES (UNHA VISIÓN PRÁCTICA CON EXEMPLOS) é un traballo no que, como o seu título indica, o autor pretende dar unha visión práctica do P.X.C. de PEMES a través de exemplos explicativos que axudan a entende-lo referido texto legal.

O traballo consiste en intercalar no texto do Plano X.C. de PEMES (Real Decreto 1515/2007 de 16 de novembro) as pertinentes explicacións teóricas ó carón da norma e, de seguido destas breves explicacións un, ou varios, exemplos aclaratorios. Fíxose así, percorrendo todas e cada unha das cinco partes das que se compón o referido Plano X.C. de PEMES.

Concretamente, cando se chega á parte 5ª, definicións e relacións contables, vaise percorrendo conta a conta todo o cadro de contas, comentando o seu significado e poñendo diferentes exemplos nos que queda reflectido o seu funcionamento. Moitos temas trátanse, como é lóxico, desde dúas perspectivas, unha desde o punto de vista da conta debedora e outra desde o punto de vista da conta acredora.

Á hora de poñe-los exemplos ós que se alude no punto anterior, en algúns casos (activos financeiros, inmobilizado material, ...) tamén se fai referencia á 2ª parte do P.X.C., normas de valoración, coa idea de ve-los temas desde diferentes ópticas.

O obxectivo deste traballo non é o de facer unha exposición teórica do contido do texto legal, pois para iso xa hai outras moitas obras publicadas nos últimos dous anos; o que se pretende e ter unha colección de exemplos, redactados dunha forma sinxela, que axuden a comprender mellor o funcionamento dunha conta ou como hai que interpretar unha determinada norma de valoración. Trátase de ver este traballo como un conxunto de exercicios resoltos sobre o contido do P.X.C. de PEMES.

Os pedidos poderán facerse a:

Consorcio Editorial
mailto:administraci%C3%B3n@coegal.com

Telefono 986 40 50 51
Av. Estación 25
36812 Redondela

Número 19 da revista XERFA

2010-10-17T22:47:00.003+02:00

Co número 19 da revista XERFA cúmprense 20 anos ininterrompidos desta publicación.

Por iso este número, ademais de facer o habitual repaso a actividades, premios e traballos desenvolvidos no instituto durante o curso 2009-10, pretende ser unha homenaxe a todos os que durante estes vinte anos fixeron posible esta publicación.

Xa na portada poden verde, a modo de mosaico, as portadas dos 19 números anteriores (dende o cero ó dezanove). Tamén polo mesmo motivo contamos coa colaboración dalgún dos ex alumnos e alumnas que foron entusiastas redactores nas páxinas desta publicación cando eran estudantes no IFP de Ribadeo, IES de Ribadeo ou xa no actual IES Porta da Auga. As súas lembranzas, felicitacións e bos desexos únense ás de profesores como Álvaro Doural e Antonio Gregorio, uns dos primeiros impulsores da revista.

Ao igual que o número anterior a edición dixital visible en ISSUU (http://www.issuu.com/portadaauga/docs/xerfa_19, é en cor, aínda que a impresa segue sendo en branco e negro, por evidentes razóns de custo.

Vive a Bici

2010-06-30T18:20:00.000+02:00

Eis o que define a experiencia do que foi a derradeira semana do curso. A cousa comezou practicando o que é o uso da bici como método de transporte ao cole, xuntándonos todas as mañás na Praza de Abastos para facer o camiño xuntos, e aínda que nun principio non eramos moitos, temos que confesar que de día en día foi medrando o número de participantes... o cal nos anima a comezar o curso que vén repetindo a experiencia.

A segunda parte consistiu nun paseo en bici, tomando como referencia a costa e chegando até Rinlo. Participamos sobre unhas trinta persoas, e temos que confesar que foi moi agradábel ao que contribuíu o bon día que tivemos.

A primeira parada foi na Illa Pancha onde o encargado do faro nos explicou o seu funcionamento e nos permitiu subir á torre, desde onde a vista é impresionante. Logo continuamos viaxe e paramos no castro das Grobas, pero temos que confesar que a maleza non nos deixou velo en todo o seu esplendor.

A última parada foi en Rinlo onde paseamos polo seu precioso casco urbano e paramos na ponte un bon bocado, onde aproveitamos para beber e petiscar os bocatas que cada un traía. Como a cousa foi con calma, non puidemos facer a última parte na que tiñamos previsto visitar o muíño da Madanela... pero non nos dá pena porque para o curso que vén imos repetir a experiencia.

A conclusión é que a bici dá moitas satisfacións, vale para facer exercicio, e en Ribadeo é un medio de transporte rápido, barato, e eficaz. Animamos a todos os alumnos e alumnas a que proben e xa veredes o útil que é.

Pan con letras 2010

2010-06-14T01:20:00.004+02:00

A ilustración da postal con textos de Uxio Novoneyra que se entregou coa compra de pan en tódalas panaderías de Ribadeo o pasado día das letras galegas, na coñecida campaña “pan con letras” promovida polo Concello de Ribadeo, é obra de dúas alumnas de 4º de ESO deste centro: Carla Méndez García e Noelia Gómez Pérez.
O pasado mércores día 9 a concelleira de cultura, Mariluz Álvarez, entregoulles o premio: 150 € a repartir entre as dúas. Un diñeiro que seguro se quedará en Roma, cidade á que na semana próxima viaxarán na excursión de fin de estudos.

O Alumnado é o Protagonista

2010-05-27T09:06:00.007+02:00

Alumnado de 4º ESO de Bioloxía e Xeoloxía participaron o pasado 20 de maio no Encontro Intercentros da Axenda 21 Escolar Galega, celebrada en Pontevedra no Pazo da Cultura. Como o día prometía ser intenso fómonos o mércores e durmimos ( bueno, é un dicir) en Poio, moi cerquiña do mosteiro no que fixemos unha foto.

Trátase dunha actividade na que o alumnado de distintos centros presentou os traballos realizados ó longo do curso no marco da A21EG: dende obras de teatro, cancións e poemas que fomentan a sostibilidade, ata xogos con auga, carteiras reciclables, estudios do consumo enerxético nos centros, exposición de aves da ría do Burgo ou o noso: “Puntos de interese xeomorfolóxico de Ribadeo”. Foi unha xornada amena aínda que con moita calor: pola mañá asistimos repartidos a varios seminarios nos que se presentaban proxectos e tamén tres dos nosos alumnos presentaron o noso durante 45 minutos. Despois dunha comida da que alguén dixo (isto na miña casa chámase aperitivo) participamos nun recinto feiral aberto no que estaban expostos algúns traballos, por suposto que o noso tamén. Por alí foi pasando case todo o mundo e a verdade é que gustou moito. A partir dentón fomos ó auditorio para ver unhas obras de teatro e algunha actuación doutros centros (que algúns aproveitaron para votar unha pequena sesta porque a noite fora un pouco escasa) e despois rematamos a xornada e emprendemos a viaxe de volta. Sen dúbida, mereceu a pena o esforzo.

Baile da luva rosa

2010-05-21T18:48:00.006+02:00

Acompañados de profesorado do CEIP Gregorio Sanz, alumnado e profesorado do IES bailamos o "Baile da luva rosa", un acto de solidariedade coa Asociación para a loita contra o cáncer de Ribadeo, iniciativa de Annegret Keiter na que colabora a Asociación Cultural El Farero gravando un vídeoclip que se presentará proximamente ao público en Ribadeo e se poderá ver en Yootube.

Viñeron @s de Portas

2010-05-19T13:58:00.007+02:00

Si, o pasado martes, 11 de maio, os alumn@s de 2º e 3º de ESO fixemos de anfitrións dos compañeir@s do CPI Domingo Fontán de Portas (Pontevedra). Foi un día xenial e estamos agardando ir aló devolverlles a visita a semana que vén.

Cando chegaron, recibímolos no salón de actos: o Director deulles a benvida, explicámoslles algo de como é Ribadeo e das actividades que realizamos no Grupo de Normalización e Dinamización Lingüística e, como remate, os compañeir@s de 2º, que recibiron este ano o Premio do Manifesto do Correlingua escenificaron/amos a lectura do mesmo.

A continuación fomos ensinarlles o faro de Illa Pancha, ao que case todos nós entramos dentro por primeira vez. Si, estamos falando de entrar dentro do faro, non só de entrar na illa, e de subir polo seu interior ata a plataforma superior. A vista da costa é moi bonita.

A continuación fomos ao Forte San Damián no que tamén entramos e se lles contaron algunhas anécdotas curiosas que viu acontecer esta construción defensiva.

Para acabar coa xornada matutina non desperdiciamos a oportunidade de pisar o Cargadeiro e explicarlles algo da función para a que fora construído este elemento agora restaurado.

E a cando a fame empezaba a facerse sentir, xantar con eles en Santa Cruz. Repostas as forzas, divertímonos un pouco tirando da corda, e canto custaba movelos ... ata que descubrimos que a tiñan atada a unha árbore!!

Á tarde, divididos en cinco grupos mixtos Portas-Ribadeo, dirixímolos nun percorrido explicativo mostrándolles os lugares e monumentos máis significativos da nosa vila, no que nós mesmos aprendemos cousas que non sabíamos.

E como despedida, que mellor maneira ca facela visitando o porto de Rinlo? Alí quedamos en volver a vernos o próximo xoves día 20.

Parabéns ao Grupo de Normalización e a Isabel, Eva, Dores e Anxo, os profesores que nos acompañaron nesta xornada, na que aprendemos e o pasamos ben. Grazas, como alumn@s pola felicitación que nos deron. E @s de Portas, que queredes que vos digamos, que nos caedes de marabilla!!

Gandarío, un día de ponencias de investigación ó que foron alumnos de 4º ESO

2010-05-12T09:23:00.006+02:00

Un xoves pola tarde de viaxe ilusionado a Gandarío, onde os centros de Balaguer, El Cairat de Esparraguera, Alborada de Vigo, a compañía de María de Ferrol, xuntáronse con nós (e viceversa) en dúas noites inesquecibles cun día por medio de traballo e relax. Amizades e vista de novas perspectivas, entre outras cousas. Mar e charlas. Investigación en/de moitos sentidos. E desexo de volver o próximo ano a algo semellante. Mentras, traballo para logralo.
En canto a obxectivos, logrados (se ben máis os de relación que os didácticos). En canto a desenvolvemento, segundo o previsto, con baño incluído. En canto ó futuro... os correos electrónicos posteriores son abondo ilustrativos, pero polo momento deben permanecer sen publicar.
Á beira, o díptico.

Les élèves de Français ont présenté un Festival le 14 Avril

2010-05-11T19:43:00.002+02:00

Tous les groupes ont réalisé une activité différente:
les élèves de 1º ESO ont lu de petits poèmes, ceux de 2º ESO ont chanté la chanson du film”Les enfants du choeur “.
3º ESO a cherché des versions actuelles des chansons d’ Edith Piaff ( La vie en rose, Milord…qu’ on peut connaître par plusieurs publicités à la télé…).
4º ESO a chanté et dansé avec “Le médecin malgré lui”, si Molière savait¡…
Et , pour finir, les élèves de 1º Bachillerato ont représenté la farce “La télé farceuse”.

On a bien rigolé et nous espérons que la prochaine année ce sera encore plus varié.
Merci à tous et félicitations.

2º DE ESO B GOZOU DO SEU PREMIO VISITANDO FERROL E AS FRAGAS DO EUME

2010-04-27T18:41:00.002+02:00

Os pasados martes 20 e mércores 21, os alumnos/as de 2º de ESO B, gañadores do concurso do manifesto do Correlingua 2010, visitaron Ferrol e as Fragas do Eume e gozaron deste programa de actividades elaborado polo Colexio de Arquitectos de Galicia dentro do Proxecto Terra.

A primeira xornada comezou coa visita á aula de Ecoloxía Urbana e ao Parque de Aquaciencia, ambos dentro de parque Raíña Sofía. Posteriormente, realizaron un paseo en barca pola ría ata a ponte das Pías, con atraque no porto de Mugardos.

Á tarde, saída en barca desde Mugardos para achegarse ao porto exterior e volta para atracar no Castelo de San Felipe, con visita guiada a este interesante exemplo de construción militar do s. XVIII.

Posteriormente paseo polo barrio da Magdalena, paradigma de trazado urbano racionalista con destacados exemplos de arquitectura modernista.

Como remate da xornada, acomodo para pasar a noite no albergue de Alvarella.

Na segunda xornada, traslado ás Fragas do Eume, con camiñada saíndo desde a Capela, realizando a ruta das tres pontes, para rematar no punto de entrada no parque.

As 17:00 h., inicio do retorno cara Ribadeo.

En resumo: moi completas, interesantes e entretidas xornadas para este grupo que, con este premio, viu plenamente recoñecida a súa colaboración.

ALUMNOS DO IES PORTA DA AUGA RECIBEN O PREMIO DO CORRELINGUA

2010-04-20T19:08:00.006+02:00

Os alumnos/as de 2º de ESO B, do IES Porta da Auga, obtiveron o premio do Manifesto do Correlingua 2010 coa composición que comeza “somos un grande equipo, o equipo do correlingua...”

O manifesto gañador é un poema onde a primeira letra de cada verso forma o verso de Uxío Novoneyra A FORZA DO NOSO AMOR, e alude a obras doutros autores galegos e manifesta tamén a preocupación que se vive nos centros polo novo decreto do galego no ensino.

Eva Méndez Lombardía foi a profesora que animou e axudou a estes alumnos para a elaboración deste manifesto, que obtivo este recoñecemento.

Estes rapaces/as foron invitados á presentación do Correlingua 2010, o pasado día 15 de abril, no Museo do Pobo Galego de Santiago. Tamén, como premio, disfrutarán dunha viaxe de dous días ás fragas do Eume e a Ferrol, guiados por especialistas do Colexio Oficial de Arquitectos de Galicia e realizando diferentes actividades.

No concursos do Correlingua participan todos os anos centros de infantil, primaria e secundaria de toda Galiza, polo que estes alumnos senten un orgullo especial ao quedar en primeiro lugar e polo feito de que o manifesto que eles elaboraron sexa lido ante miles de estudantes en todas os Correlinguas que se van celebrar no próximo mes de maio.

Manifesto:

Somos un grande equipo, o Equipo do Correlingua.
Os que desde A Coruña, Baixo Miño, Ferrol, Vigo, A Mariña, Pontevedra, Lugo, O Salnés, Ourense e Santiago xuntamos as nosas voces para berrar alto e forte:

“Galiza, a forza do noso amor non pode ser inútil”

A nosa proposta é clara, díxonola Manuel Antonio:
“A nosa fala é nosa, pospola a calquera outra é unha forma de suicidio”
Libraremos a batalla se libres quixermos ser
facéndolle honor ao seu lema, evitando o xenocidio.

Feixoo co seu “Decretazo”
pretende facernos memos
vendéndonos trilingüismo
para evitar o galego

O xogo non será fácil, os adversarios son traidores,
pero temos xuventude,
somos moitos, somos fortes;
xogamos no noso campo e temos por adestradores
a Pondal, a Rosalía, a Daniel e Airas Nunes.

Rompamos as barrreiras,
xa estamos fartos:
Falar queremos galego
como os nosos antepasados.

Zoa no ar un tempo de represión.
Mais Galiza, non teñas medo, que te imos defender
“Nunca máis” permitiremos que eses verdugos crueis
amordacen a túa lingua, nos repriman por ser fieis.
Formamos un bo equipo disposto a te protexer.

A vitoria está cantada, o xogo témolo nós.
Xa toca a “Alba de Gloria” do noso querido Daniel
oxalá que co seu “Ollo de vidro” el nos estea a ver
e poidamos redimilo do seu destino tan cruel.

Dabondo nos maltrataron
nos anos da Ditadura
á que pretenden regresarnos
vendéndonos inter-cultura.

O inglés, ninguén dubida,
lingua moi útil é,
que sen minguar a nosa propia,
ninguén rexeita aprender.

“Nunca aprenderás a hablar”.
“Hable bien, sea patriota”
“Eso no es un can, que es un perro,
la laverca es una alondra”.
Con esas armas proclamaron a vitoria.
Minguando a nosa estima,
ensumindo a nosa gloria.

O nó que sen atar nos una
é o nó que nós queremos,
o que nos trouxo hoxe aquí:
A defensa do galego.

Somos unha xeración
de galegos preparados,
a gramática coñecemos,
da nosa historia sabemos.
Por usar a nosa lingua
quen se atreve a insultarnos?
Se nos deixamos gañar,
non seríamos desleixados?.

O correlingua camiña contigo,
Uxío, do Courel a Compostela
polas terras liberadas,
esas que vós liberastes
coa arma das vosas palabras.

A nosa gran Rosalía xogou no Olimpo moi soa
e por iso foi alcumada como “a pobriña da tola”.
Semente foi dunha estirpe de poetas emprendedoras
que coa súa lingua tecen a arma máis poderosa.

Mal de linguas din algúns, os que non queren entender
que a multitude de linguas é en si un grande ben
do que goza a humanidade para chegar a comprender
a complexidade do mundo no que lle tocou nacer.

O dito ben dito queda. Xa é a hora da despedida.
Agardamos terche aclarado algunha das túas dúbidas
para que a partir de hoxe na casa, cos amigos e amigas
fales galego por sempre, que o galego tamén liga.

Rematamos esta historia
Berrando ben alto e forte
Para que todos nos oian:
“Galiza, a forza do noso amor non pode ser inútil”

Queremos galego na escola!

10000 (en base 2)

2010-04-15T20:15:00.001+02:00

Chegou a décimosexta edición da feira da ciencia de Ribadeo, a versión 2010. Comezou o martes 13 ás 6 da tarde, coa inauguración. O salón de actos do IES Porta da Auga estaba a rebosar. Ós alumnos e profesores do centro agregáronselle representantes doutras comunidades educativas de Ribadeo, antigos profesores, cadros directivos da Consellería de Educación en Lugo, e representantes políticos, encabezados polo alcalde.
Bo, comezar, comezar, comezou ó rematar a edición anterior, como reza no vídeo feito co motivo da primeira feira. Pero ese foi o traballo calado, e agora chegaba o momento de poñerse de gala e ensinar o xa feito.
E ese foi o espírito das charlas na inauguración. Abriu o alcalde, dicindo que deixaba para o final as súas verbas pois consideraba que os máis tiñan que dicir eran os educadores. Continuou Alfonso, o Director, que glosou coas súas palabras o traballo dos alumnos ... e tamén dos profesores. É difícil facer un resume, entre didáctica, agradecementos ou visión xeral, pero quedaríame coa referencia usada para cristalizar o traballo no propio centro e polo alumnado: só 5 apartados dos máis de 70 non teñen que ver directamente con esa labor calada de educación e formación no IES. Despois xa foi máis doado: as verbas da Inspectora Xefe colleron o fío deixado e continuárono, e algo parello pasou coas do alcalde, cada un deles na súa versión, técnica ou política, e tendo en conta que antes de ocupar os seus actuais cargos, ambos tiveron relación co centro: a traveso da inspección a primeira, e como alumno e visitante asiduo en anteriores anos, o segundo.
Despois foi a primeira visita a feira, que durou máis do usual noutras edicións, pois as autoridades fixeron o recorrido completo. E aquí non se pode seguir sen facer referencia ó díptico completo, no que como é tamén tradicional, aparecían case todas as cousas a ver, pero non todas, como as figuras de Lissajous ou a Teoría de Cordas, e algunha de máis que se caeu do panel no último momento, como o Acender unha lámpada co corpo (como interruptor). Despois chegaron os pinchos.
E, como a feira comezou, pero aínda non rematou, cabe seguir cun 'continuará'.
... Por certo 10000 en base 2 é o 16 en base 10, ó igual que o binario 10001 corresponde ó 17 decimal ... outro número de feira seguinte.

Conferencia sobre sostibilidade

2010-04-15T19:53:00.002+02:00

O pasado venres 9 de abril, María Pérez Sánchez, supervisora de medio ambiente da planta de ALCOA de San Ciprián, estivo no centro para pronunciar ao alumnado de 1º e 2º de Bacharelato unha conferencia sobre sostibilidade.
Na mesma explicou brevemente as actividades que ALCOA desenvolve en todo o mundo, o proceso de produción de alúmina e aluminio en San Ciprian e os crecentes esforzos e inversións que realiza para facer que a súa labor sexa cada vez máis sostible. En palabras de María “agora xa non se trata tan só de producir e producir, ademais hai que comprometerse no beneficio directo á comunidade na que se asentan as fábricas buscando a sostibilidade desa produción”.
Esta conferencia, posterior á presentación da XVI edición da Feira da Ciencia, serviu para iniciar ao alumnado na formación sobre sostibilidade, un termo do que sen dúbidas van oír falar moito no futuro.

VISITA AO PARLAMENTO GALEGO DO ALUMNADO DE ADMINISTRACIÓN

2010-04-14T12:34:00.002+02:00

O pasado xoves, día 5 de abril, o alumnado dos Ciclos de Administración realizamos unha visita ao Parlamento Galego. Na mesma déronnos explicacións do funcionamento e funcións desta institución e puidemos entrar nas súas máis importantes dependencias. E polo que observamos parece que en algún/ha espertaba a súa vocación pola carreira política !!!

E pola tarde, visita ao Museo do Pobo Galego, na que se nos mostraron varias salas, parando con máis detemento na do mar e na de hábitat e arquitectura. Non nos fomos sen ver o exemplo de prodixio arquitectónico do sistema das tres escaleiras helicoidais, rara e elegante realización ónde as haxa.

En fin, instructiva e amena actividade nun día agradábel de primavera, no que tamén puidemos gozar de agradábeis paseos pola capital de Galiza.

Premio de Meteogalicia

2010-03-25T00:50:00.005+01:00

A labor constante de observación, rexistro e divulgación da meteoroloxía en Ribadeo, desenvolvida polo IES dende que forma parte da rede de MeteoEscolas, foi recoñecida cun premio outorgado por Meteogalicia.

O premio entregouno o Conselleiro de Medio Ambiente Territorio e Infraestructuras, Agustín Hernández, no acto de celebración do X aniversario da creación de Meteogalicia, o día 23 de febreiro, Día Mundial da Meteoroloxía. O Conselleiro afirmou que as MeteoEscolas complementan á rede de estacións meteorolóxicas da Xunta de Galicia xestionada por MeteoGalicia, e grazas e elas acadouse unha base de datos meteorolóxicos importante para que os estudantes e o profesorado puideran empregar como recurso educativo, á vez que estes datos -obtidos e facilitados polos centros- se colgaban na web.

Dende 2007 un total de 97 Institutos de Educación Secundaria (IES) e Centros Públicos Integrados (CPI) están adheridos a esta rede. Recoñeceuse e agradeceuse a labor e participación de todos os centros, moi especialmente, aqueles máis involucrados con este proxecto. Ademais do IES Porta da Auga, foron premiados os IES Perdouro, Couto e Ribeiro, e o CPI Camiño de Santiago, os centros máis activos entre as MeteoEscolas. Non debe pasar desapercibido que dos cinco premiados dous son da Mariña.

Visita a Ciberalia-Caixa Galicia

2010-03-17T18:43:00.005+01:00

No día de hoxe, 16 de marzo de 2.010, dous profesores deste instituto acompañando a un grupo de alumnos de 1º de Administración e Finanzas e de 1º de Bacharelato, fixeron unha visita ó aula CIBERALIA-CAIXA GALICIA en Lugo, para participar nunha actividade que se desenvolveu en dúas partes claramente diferenciadas.

Na primeira parte, que se desenvolveu desde as 10:20 ata as 11, os alumnos recibiron unha charla sobre as operacións de banca electrónica que se poden facer desde a web de Caixa Galicia. O ponente explicou cales operacións precisan clave para poder facelas, e tamén explicou o funcionamento duns simuladores que hai dentro da referida páxina para ver algúns dos productos que ofrece Caixa Galicia, como poden ser as contas de prazo, os fondos de investimento, os planos de pensións, os préstamos, as hipotecas, etc..

Na segunda parte, desde as 11 ata as 13:30, o ponente fixo primeiro unha breve exposición sobre o deseño de páxinas web, e despois pasamos a outra aula onde, xa cos ordenadores, se fixeron varias prácticas do que previamente se vira no plano teórico. Practicamos sobre como crear unha web, como colocar nela texto e imaxes, como configurar colores títulos, etc., como facer un enlace (tanto interno coma externo), como crear un sitio ...
Ás 13:40 saímos de regreso a Ribadeo.

A REALIDADE LABORAL MAÍS CERCA: VISITA AOS XULGADOS DO SOCIAL

2010-03-03T14:30:00.003+01:00

Este martes, día 2 de febreiro, o alumnado dos ciclos de Administración asistiu á celebración de varios xuízos nos xulgados nº 2 e nº 3 de Lugo. A actividade fora previamente planificada e estudada, sendo coñecedores os participantes dos casos a tratar nas vistas (reclamacións de cantidades, abusos da contratación temporal, prestamismo laboral, ...). Poñendo en uso os coñecementos explicados en clase, todos realizamos as nosas predicións sobre o sentido das sentenzas e agardamos con expectación a súa publicación.

E pola tarde visita dosificada ao Museo Provincial de Lugo: maquetas de pallozas, cociña tradicional, obras senlleiras do escultor Asorey, sección de ourivería –carneiro alado de Ribadeo, torques de Burela, ...-, A escola de Doloriñas e os mosaicos romanos foron algunhas das obras vistas. Quedou tamén moito por ver, coma sempre que se visita un museo, pero iso é o bon: quedar con gañas de volver a entrar.

En fin, bo ambiente e visita produtiva. Profesorado e alumnado quedamos emprazados para a próxima.

O paso de Xynthia visto pola estación meteorolóxica.

2010-02-28T20:43:00.023+01:00

Dende que se puxo en funcionamento a estación meteorolóxica (01/04/2009) é a primeira vez que un fenómeno destas características visita a Mariña e, aínda que afortunadamente resultou menos virulento do previsto, foi o suficientemente intenso para non pasar desapercibido na evolución das variables que constantemente rexistra a estación.

A primeira manifestación da proximidade de Xynthia foi a choiva que empezou a caer sobre as 7:00 h e que non cesaría ata as 17:20 h. De todos os xeitos a cantidade acumulada nesas horas, 19 litros por metro cadrado, non era alarmante, entrando dentro do normal para calquera fronte dos moitos que ao longo do ano barren Galicia. Tan só había un dato que chamaba a atención, o barómetro parecía estar en caída libre, ás 18:00 h marcada 970,8 hpa, e seguía baixando!. Por outro lado, o vento reducíase a unha lixeira brisa, non chegaba a 10 km/h, onde estaba o Xynthia?. (Facer "clic" sobre as gráficas para amplialas).

A sorpresa chegou a partir das 18:40 h, en poucos minutos as variables rebentaron: a temperatura subiu 4,4º en 10 minutos, e algo mais de 7 en media hora, chegando a alcanzar os 18,8º ás 19:20 h; ao mesmo tempo, o vento, gran ausente ata ese momento, cobrou protagonismo con refachos que pasaron dos 8 km/h ás 18:40 h, ós 38,6 ás 18:50 h, chegando ao máximo refacho de 61,2 km/h ás 19:30 h, velocidade nada desprezable tendo en conta que o anemómetro está situado só a tres metros de altura e preto de obstáculos como árbores e edificios.

Como se pode ver na gráfica, o período de máximos refachos durou pouco máis dunha hora, o que indica que a borrasca movíase moi rapidamente, quizais por iso non causou danos moi graves. En todo caso, as predicións non erraron, Xynthia acudiu á cita e a nosa estación estaba ai para rexistrar todo o que estaba pasando deixándonos un montón de interesantes datos.

Para saber máis sobre este fenómeno pódese consultar o blog de Meteogalicia.

Excursión a Santiago: Observatorio Astronómico, Cidade da Cultura, Pórtico da Gloria, ...

2010-02-12T17:23:00.013+01:00

O martes 9 de febreiro o alumnado de 2º de Bacharelato desprazouse ata Santiago para visitar o Observatorio Astronómico Ramón María Aller, a Cidade da Cultura, o Pórtico da Gloria e o Campus Sur.
A xornada comezou coa visita guiada ás instalacións do Observatorio Astronómico, onde puideron ver o instrumental con que conta, coñecer de cerca os proxectos nos que traballa e asomarse á inmensa labor desenvolvida polo seu fundador Ramón María Aller Ulloa, continuada polo actual director José Ángel Docobo Durantez.

De seguido trasladáronse á Cidade da Cultura onde percorreron, acompañados dunha guía, as instalacións dos dous edificios xa rematados: o arquivo e a biblioteca; suficientes para percatarse das descomunais dimensións do proxecto.
Despois de comer dividíronse en dous grupos: mentres que os de Humanidades asistían a unha visita explicada á actual restauración do Pórtico da Gloria, os de Ciencias percorrían o Campus Sur, parándose en facultades como Matemáticas e Física.
Foi unha xornada completa e ben aproveitada.

Orientación universitaria

2010-02-12T17:19:00.001+01:00

O pasado venres, 5 de febreiro, estivo no centro Ignacio Ramos, profesor do departamento de Bioquímica da Facultade de Veterinaria de Lugo, acompañado de María Vieites, antiga alumna do Instituto que actualmente cursa 1º de Físicas na Universidade de Santiago.
Entre os dous impartiron unha charla informativa sobre a Universidade ao alumnado de Bacharelato.
As numerosas preguntas formuladas polos asistentes deixaron claro que se espertou o seu interese, por outro lado lóxico, xa que tratáronse problemáticas nas que se verán inmersos dentro de poucos meses.

Visita ás instalacións de INDITEX en Arteixo e a exposición “Ruth Matilda Anderson. Unha mirada de antano”

2010-02-08T18:04:00.012+01:00

O xoves, día 4 de febreiro, os alumnos/as dos Ciclos Medio e Superior de Administración visitaron as instalacións que o grupo téxtil INDITEX posúe na nesa localidade. Púidose observar como se traballaba no deseño e no patronaxe das prendas, na preparación dos escaparates das distintas marcas do grupo (Zara, Berskha,...), na recepción de pedidos, no corte de teas, no preparación e embalado das prendas e, finalmente, como se realizaba toda a preparación loxística para distribuír os pedidos pola rede de tendas do grupo espallada por todo o mundo. Impresiona a capacidade de innovación desta empresa galega.

De seguido viuse a exposición de fotografía “Ruth Matilda Anderson. Unha mirada de antano” nas salas de exposicións da sede da Fundación Caixa Galicia na Coruña. Na mesma, recóllense os traballos desta autora norteamericana que recorreu o noso país nos anos 1924-1926, realizando un valiosísimo documental sobre a maneira de vida dos galegos/as da época con todas as súas necesidades. Sen dúbida, un acertado contrapunto para recordar de onde vimos.

Día mundial dos humedais

2010-02-03T13:32:00.014+01:00

Como xa é habitual no noso centro, o pasado 2 de febreiro celabramos o día mundial dos humedais. Para iso, un grupo de alumnos de 4º eso aproveitaron parte da mañá para facer unha saída á Ría, acompañados pola profesora de bioloxía Mª Jesús Besteiro Cabanas.

Ademais de gozar dunha mañá de sol espléndido que xa votábamos de menos, nas distintas paradas que fixemos piudemos observar un bó número de aves invernantes: garzas, garcetas, correlimos, zarapitos, cormoráns así como pato asubión ou alavanco real.

Tamén nos fixamos nas grandes masas de vexetación características do esteiro: pradeiras submariñas de zostera que cobren gran parte da enseada da Liñeira, extensos xuncais que empezan a aparecer á altura da enseada do Tarrón en Vilavedelle e tamén masas de canaveirais que xa aparecen a partir de Porto onde a ría adopta un trazado meandrifrome debido ó predominio da acción fluvial.

En fin, unha mañá de clase un pouco distinta e cun obxectivo claro: coñecer o noso entorno para así aprender a valoralo e respetalo porque a súa conservación é cousa de todos nós.

Lectura da paisaxe

2010-02-01T17:17:00.001+01:00

Parte do noso alumnado realizou o pasado xoves 28 de xaneiro unha actividade enmarcada dentro da Axenda 21 Escolar. Baixo o título “Lectura da paisaxe”, os nosos alumnos asistiron pola mañá a unha charla impartida polo xeógrafo Paco Castillo, actual xefe de servicio de Paisaxe, da Dirección Xeral de Sostibilidade e Paisaxe da Xunta de Galicia. Pola tarde, algúns deles subiron a Santa Cruz para poder poñer en práctica os coñecementos adquiridos pola mañá, tratando de encontrar as claves da interpretación da paisaxe e sensibilizando sobre a importancia de conservalo. Non cabe dúbida que foi unha xornada interesante e enriquecedora que todos agradecemos, porque está claro que primeiro hai que coñecer e valorar o entorno para que despois xurda o desexo de conservalo.

English theatre

2010-02-01T17:09:00.002+01:00

Last Tuesday we went to IES Gamallo Fierros to see a play in English. We went with teenagers from other high schools.
The play was about a teenager called Peter who talked about his family, the girl who he loves, his bully and his experiences on holidays. The main topic was the girl who he loves. His bully told him that he was her boyfriend, but the girl wasn’t his girlfriend and she loved Peter. At the end, after they did a show and told experiences, the girl kissed Peter.
It was really fun and the audience participated a lot.

Lidia Fernández Belmar, Sarai Pousada Linares – 4º ESO

Cos nosos mellores desexos

2009-12-21T12:02:00.008+01:00

Postal realizada por Carla Méndez García 4º ESO

Que todos os nenos teñan portal,

Que todos os reis sexan reis magos,

Que todas as noites sexan noites boas,

Que non haxa un día sen Nadal.

Galiciencia 2009

2009-11-27T19:23:00.006+01:00

Un ano máis unha pequena, pero importante, representación do instituto acudiu a Ourense para participar na Galicinecia.
Nesta ocasión Antonio Gregorio seleccionou alumnado de 2º e 3º de ESO con dous proxectos que seguro espertaron interese entre os asistentes: “Creando os propios xogos de Nintendo: Double Screen con PALib” e “Estudio da lateralidade”.
Galiciencia, é a maior feira científica que se celebra anualmente en Galicia, contando coa participación de equipos de estudiantes de Secundaria de toda España.
O obxectivo principal desta iniciativa, que Tecnópole organiza dende fai catro anos co patrocinio da Dirección Xeral de I+D+I e da Consellería de Economía e Industria, é servir de punto de encontro para rapaces e rapazas da ESO e Bacharelato con ideas innovadoras e con gañas de mostralas ao público nos stands que o Parque Tecnolóxico de Galicia pon a súa disposición durante tres días, coincidindo coa celebración da Semana da Ciencia.

Pero tamén hai actividades paralelas para o público e os propios expositores. Este ano, ademais da presencia xa habitual do divulgador Adolf Cortel, coas súas conferencias de ciencia divertida, houbo obradoiros relacionados coa celebración a nivel europeo do Ano de Darwin, do Ano Internacional da Astronomía e do Ano da Creatividade e da Innovación.

Excursión de 1º de ESO a Mondoñedo

2009-11-27T11:05:00.007+01:00

O pasado 24 de novembro os alumnos e alumnas de 1º de ESO, acompañados polo profesorado do departamento de Xeografía e Historia, visitaron algúns puntos de interese do municipio mindoniense.

A viaxe, promovida e patrocinada pola Fundación Comarcal A Mariña Central, tivo como principal atractivo a visita ao recentemente escavado Castro de Zoñán, na parroquia dos Remedios. Alí os alumnos e alumnas puideron contemplar de forma directa características da cultura castrexa estudada nas aulas.

Á volta visitaron o Centro de Artesanía “Os Muíños”, onde Alberto Geada, único zoqueiro xoven de Galicia, mostrou tódolos segredos da fabricación das tradicionais zocas. O alumnado seguiu con interese as explicacións.

Descubrindo a Ría: ciencia a pé de praia

2009-10-29T18:27:00.025+01:00

Os alumnos de bioloxía de 4º ESO xunto cos de bacharelato de ciencias e tecnoloxía, participaron o martes 27 de outubro nunha na actividade “Descubrindo a Ría: Ciencia a pé de praia”. O obxectivo é dar a coñecer as ferramentas de traballo e os fundamentos básicos que un equipo multidisciplinar de científicos está empregando no chamado Estudio integral das Rías Altas, traballo que se está a facer co fin de averiguar as causas do importante descenso dos recursos marisqueiros nestas rías.

Para esta actividade, contamos coa axuda da Asociación de Oceanógrafos de Galicia, que nos enviou un grupo de 5 monitores para realizar outros tantos obradoiros. En primeiro lugar fixemos unha saída á Praia dos Bloques para levar a cabo algunhas actividades de campo e recoller mostras de area, auga e distintas especies atopadas. Despois, xa no laboratorio, desenvolvéronse os seguintes obradoiros:

Obradoiro de estratigrafía: para observar a distribución granulométrica do sedimento, comprobar o seu contido en carbonato cálcico e observar a composición das areas coa lupa binocular.

Obradoiro de oceanografía: para observar as propiedades físicoquímicas da auga do mar así como o seu contido en plancton.

Obradoiro de recursos marisqueiros: para identificar as especies recollidas e calcular a talla media, peso medio, biomasa total e comercial e densidade da poboación.

Obradoiro de patoloxía de moluscos: para facer unha disección do mexilón e observar co microscopio distintas preparacións histolóxicas con ou sen patóxenos.

Obradoiro de ecotoxicidade: para recoñecer a importancia do uso das larvas de ourizo de mar como bioindicadoras da calidade das augas.

Realmente, pensamos que a actividade resultou moi interesante e os alumnos puideron disfrutar e aprender moito polo que parécenos interesante que se fagan estes traballos de divulgación científica.

Comedia Bífida

2009-10-16T00:36:00.003+02:00

O pasado mércores, día 14 de outubro, o teatro viveirense Pastor Díaz encheuse con alumnado chegado da maioría dos institutos da Mariña, que se xuntaron alí para ver a representación da obra, de Manuel Carlos Núñez Singala, Comedia Bífida.
A montaxe a adaptación da obra fíxoa a compañía profesional Nobicarelo Teatro, formada en Santiago de Compostela en marzo deste mesmo ano.
Esta representación, xunto á difusión do libro “En galego por que non?”, do mesmo autor, forma parte do programa de dinamización lingüística desenvolvido pola Editorial Galaxia e promovido pola Secretaría Xeral de Política Lingüística, (ver díptico).

A toda cor!

2009-07-18T19:54:00.007+02:00

En xuño presentouse o número 18 da revista XERFA, unha nova entrega da revista escolar que anualmente publica este instituto. Aínda que a edición impresa ao igual que as anteriores sae en branco e negro, por primeira vez podemos ver a revista a toda cor na súa edición dixital, que ademais se colgou en http://www.issuu.com/, plataforma que permite folleala nun formato atractivo e vistoso. O resto dos números da revista tamén se foron incorporando a esta web polo que se pode pasar un pouco de tempo ollando as páxinas de edicións anteriores.
Nesta ocasión a revista destaca especialmente polas entrevistas a personaxes de primeira liña da actualiade como José Angel Docobo, director do Observatorio Astronómico Ramón Maria Aller da Universidade de Santiago; ou Rubén Riós, coñecido actor galego protagonista da longametraxe “Pradolongo”.

Pero ademais está chea de moitos outros temas de interese aos que nos aproximan os alumnos, alumnas, profesores e profesoras que participaron na redacción, como por exemplo:

Conflito árabe-israelí
Estatísticas
Saúde:
Enfermidades nutricionais
O infarto
Entrevistas:
Julio Antolín Rey
José Ángel Docobo Durántez
Miguel Ángel Millares Mera
Rubén Riós
José Luis Echevarría Reigosa
Música:
Cultura Hip Hop
Saratoga

Teatro: Un xoguete para Goldoni

2009-06-30T13:55:00.002+02:00

O 23 de xuño, último día de curso, o noso alumnado asistiu no cine teatro de Ribadeo á representación da comedia "Un xoguete para Goldoni", que puxo en escena o grupo de teatro do IES Vilar Ponte de Viveiro.
A maioría dos compoñentes deste grupo son alumnos e alumnas de segundo de bacharelato, polo que no próximo curso xa non estarán no instituto, sendo esta a súa última representación.
O guión de “Un xoguete para Goldoni” está baseado no “Anel máxico”, de C. Goldoni, adaptación de Cándido Pazó.
Nesta especie de homenaxe ás orixes, aos cómicos que sempre convertían en teatro calquera praza ou camiño, unha compañía de cómicos irrompe no escenario disposta a montar o seu espectáculo, a súa COMEDIA. O tema ( o enrolo amoroso) é o de menos, o que importa é o xogo teatral, a comicidade das situacións, os sucesivos equívocos, a diversión do espectáculo... en fin... a interpretación e o movemento dos actores, unida á música feita por eles mesmos.

Teatro: Pelexa no souto

2009-06-30T11:45:00.003+02:00

Con gran asistencia de público tivo lugar o día 19 de xuño a representación da obra que ao longo do curso foi ensaiando o grupo de 1º da ESO do noso colexio. Os nervos estiveron presentes nos minutos previos á representación, pero unha vez comezado todo transcurríu según o previsto e podemos falar tranquilamente de que a cousa saíu bastante ben, sobre todo tendo en conta que sobre o escenario se moveron sobre un total de 25 alumnos/as, cousa que non era doada.
Temos que dicir que unha das nosas maiores preocupacións como era o tema das voces á hora de deixarmos oirnos, non chegou a ser tal pois todos os actores se esforzaron por deixarse oir.Tamén temos que comentar que todos os alumnos estiveron moi metidos no seu papel e agás algunha improvisación e omisión todo saíu moi satisfactoriamente.
En resume todos pasamos un bon momento e todos poideron comprobar como cun pequeno esforzo podemos transformarnos en pequenos actores, e porque non algún pode chegar a ser un auténtico profesional.
En canto a obra, dicir que o argumento xira arredor da introducción do eucalipto e a competencia co castiñeiro, tendo cada un, os seus amigos e os seus detractores, establecéndose un xuizo popular no que o eucalipto sae condeado.

...E viñeron os/as de Melide

2009-05-21T18:44:00.025+02:00

O pasado martes, día 19 de maio, os alumn@s do IES de Melide devolvéronos a visita, no que foi un moi agradábel día de convivencia, no que o tempo estivo da nosa parte.

Recepción no salón de actos do IES -con canto incluído-, recorrido polo paseo marítimo, Cargadeiro, Forte San Damián –onde nos enteiramos de anécdotas coma a de aquel alcalde que, ante a ameaza da frota inimiga, ordena retirar os canóns ( non fora ser que, ademais da suma a acordar para que non se excedesen coas tropelías, levasen tamén aquelas pezas que non servían para lle facer fronte)-, e remate da camiñata no faro de Illa Pancha. Para todo iso deu a mañá.

O xantar campestre tivo en Santa Cruz a mellor das localizacións posíbeis. E ata tiramos da corda, gañando ... ben, mellor non dicir nada.

Á tarde, mesturados en varios grupos, os de Ribadeo actuamos de guías nun recorrido lúdico-histórico-artístico pola nosa vila. Uns máis e outros menos, todos aprendemos algo ou vimos algo novo paseando, contando e escoitando cousas e historias, a medida que recorríamos San Roque, coas súas casas de indianos, aprendíamos o porqué dunha rúa Vilafranca do Bierzo en Ribadeo, explicábamos os problemas da Torre dos Moreno, algo da historia de Raimundo Ibáñez pasando por diante da que foi súa casa, camiñábamos polo casco vello, a Atalaia ...

Houbo tamén tempo libre. E para rematar, que mellor sitio ca Rinlo para despedirse, non sen comentarlles que o mar non sempre está tan calmo, onde polo inverno se dicía aquilo de “roncan as ribeiras” cando bruaba o mar.

Viñeron, fóronse, pero algo queda: a nós deles e delas, e a elas e eles seguro que algo de nós. Melide e Ribadeo, dous anacos da nosa terra, que merece ser mellor coñecida en galego, máis visitada e gozada. Estarémolo facendo por nós.

Grupo de Normalización e Dinamización Lingüística

Estación meteorolóxica do IES Porta da Auga

2009-05-12T19:31:00.003+02:00

A finais do curso pasado Meteogalicia puxo en marcha as Meteoescolas, rede de estacións meteorolóxicas en institutos e colexios que ten como finalidade a mellora o coñecemento do clima entre os escolares, a sensibilización dos máis novos sobre a problemática do cambio climático e a promoción da investigación na escola.
Dende ese momento o IES Porta da Auga integrouse nesa rede e empezouse a traballar no acondicionamento da caseta meteorolóxica que albergaría o termómetro de máximas e mínimas e o pluviómetro, instrumentos básicos cos que se dotou a tódolos membros das Meteoescolas. Todo estivo listo a primeiros deste ano e o 8 de febreiro comezouse a toma diaria de datos e a inclusión destes na páxina web de Meteogalicia.
Pero había un problema insalvable: os días festivos, vacacións,... non se podían recoller datos polo que sempre serían incompletos. Por este motivo decidiuse instalar unha estación automática como complemento á manual. O modelo elixido foi a Davis Vantge Pro2, cuxa instalación e posta en funcionamento acaba de rematar.
Con esta estación podemos ter información actualizada en todo momento e os datos acumulados de tódolos días, estea ou non aberto o centro, así como contrastar cos recollidos na manual. Ademais toda a información recollida pola estación envíase directamente á web do centro cada cinco minutos (http://www.portadaauga.es/).
As posibilidades didácticas que xorden combinando o uso de ambas estacións son enormes, tanto para a ESO como para o Bacharelato. De seguro que nos próximos cursos habemos de ver froitos.

Videoconferencia

2009-05-12T10:05:00.004+02:00

"Fala e non ten boca, voa e non ten alas, anda e non ten pés...que é?".

Adiviñas coma esta intercambiáronas os nosos alumnos cos do CEIP Gregorio Sanz nunha videoconferencia que, con motivo da celebración das Letras Galegas, se organizou entre os dous centros, xa por terceiro ano consecutivo.

Os protagonistas foron os alumnos e alumnas de 1º de ESO e de 6º de Primaria, aínda que as diferenzas de curso e idade pouca ou ningunha transcendencia teñen á hora de discorrer as adiviñas.

Durante unha hora de dura contenda os acertos, fallos, alborozos e desánimos sucedéronse, dando mostra do bo ambiente que en todo momento reinou na actividade. O resultado final sempre é o de menos, o importante é que durante ese tempo a lingua foi nexo de unión e lecer.

Julio Antolín Rey

2009-05-12T10:00:00.003+02:00

O pasado venres 8 de maio estivo no centro dando unha charla ao alumnado de 1º de Bacharelato o corredor de ultrafondo Julio Antolín Rey, leonés afincado en Ribadeo dende moi novo, que ven de rematar o “Atacama Crossing”, carreira de 250 km polo deserto de Atacama, Chile.
Explicou todos os pormenores das carreiras de ultrafondo, probas que se desenvolven durante varios días nos lugares máis inhóspitos do planeta, nas que, ademais de superar etapas diarias de máis de 50 km en condicións extremas, hai que someterse a unha constante proba de supervivencia: cada corredor debe portar dende a saída todos os útiles, incluída a comida, que vai precisar nos días que dure a travesía. Tan só recibe unha exigua cantidade diaria de auga. Non hai vencedores nin vencidos, o reto é persoal e todos os que chegan á meta son gañadores.
Non é a primeira carreira destas características que supera, completou as 100 millas do Himalaia e xa está pensando noutros retos como o Gobi e a Antártida. Todo un exemplo de superación e sacrificio.

Viaxe a Santiago

2009-05-06T19:44:00.000+02:00

O pasado día 5, os alumnos de 3º da ESO visitaron Santiago. O obxectivo da viaxe era o contacto coa evolución arquitectónica da cidade.
Pola mañá estiveron no Museo de Arte Contemporáne e no Museo do Pobo Galego, un edificio histórico e outro moderno, situados un ó lado doutro para que poidesen observar as diferencias.
Despois de recorrer a zona antigua e dun breve descanso na Ferradura para poder comer, seguiron o paseo por Sarela, Vista Alegre, donde pudieron ver o Conservatorio de altos Estudios Musicais e o modernísimo edifico da sede da Sociedade de Autores, para rematar no Auditorio e Campus Norte.
O percorrido foi algo cansado pois fixo moito calor ese día e porque foi todo a pé, e xa sabemos que para estas novas xeneracións eso de andar…….. ¡De tódolos xeitos que se preparen porque en 4º tocaralles a Catedral e demais igrexas!

Do bicentenario de Darwin ós catrocentos anos de Galileo: Evolución da Feira da Ciencia de Ribadeo

2009-04-27T19:17:00.010+02:00

2009. Bicentenario Darwin, 400 anos da mirada polo telescopio de Galileo ... XV edición da Feira da Ciencia e Tecnoloxía de Ribadeo. Esta última, preto xa de cumprir a maioría de idade, como dixo un reporteiro nunha das gravacións de tv que se fixeron este ano.

A feira ten xa ás súas costas unha evolución. Evolución orgánica, como un ser vivo: nacemento, no 1995. Crecemento, no que se pasou de ocupar a antiga biblioteca, corredor e salón de actos ó pavillón, no que se pasou de aglomerar a tres departamentos a todos os do centro, para desligarse logo os de formación profesional, quedando de novo tres departamentos este ano. E poderiamos dicir madurez, ou aínda senectude, pero esas, se non hai experiencias previas, son cousas que se identifican despois de pasadas, e polo momento pódese admitir unha madurez, pero vital, dentro da idea de que non se sabe cántas edicións máis vai durar, pero xa sabemos que non está no comezo da adolescencia; como moito, pode que estea nunha adolescencia continua, de 'adolescere' co significado de lapa viva, resplandecente, queimando, máis que co de algo xa medrado e definitivo, e en ambos casos, co significado de consolidado.

E tamén, mirado doutro xeito, evolución como especie. Diso tratamos logo.

O cartel de Óscar manifesta Unha mirada á astronomía, 400 anos despois de que Galileo dirixira o seu telescopio ó planeta Xúpiter e se atopara cos seus satélites. É certo que na feira propiamente dita só houbo un ítem relacionado coa astronomía, un modelo do Sistema Solar no apartado de CCNN, pero tamén houbo unha charla previa á Feira sobre a historia da Astronomía, impartida por José Ángel Docobo Durántez o venres anterior, e varias sesións de planetario realizadas co programa Stellarium para os visitantes, a parte da participación do centro na medida do raio terrestre efectuada a nivel iberoamericano un mes antes, e da que non se colocou o taboleiro de resultados na feira porque ... a feira xa estaba chea abondo...

Así, temos a feira relacionada cos dous eventos científicos que se conmemoran ó longo do ano, e que permite, baixo o seu paraugas, mirar un pouco máis de preto o que aquí se fai. Que é moito.

Dicía antes que houbo unha reincorporación á feira este ano cun apartado de Matemáticas, o que marca un ir e vir da feira, do mesmo modo que se pode ver que, dende a perspectiva actual, algúns aspectos evolutivos compréndense como un paso atrás ou como unha volta ás orixes desandando camiño evolutivo. Pero, o mesmo que nos seres vivos, o que marca a evolución é a adaptación ás circunstancias do momento, non ás que foron ou ás que virán. Non se comprende? Unha imaxe mental vale máis que mil palabras: A nosa normalidade como seres vivos vén da contaminación na antiga atmosfera producida polos primeiros seres que habitaron a Terra, e despois, polas plantas. É dicir, considerando antigos patróns, nós vivimos nunha atmosfera irrespirable ... e vainos moi ben así, porque non poderiamos vivir noutra. As feiras hai que miralas cunha perspectiva parella. É posible que algún dos pasos dados teña que ser retrocedido no futuro, como xa ten pasado: aí está o caso de incorporar á inauguración unha charla, como na XIIV edición, que debido ó seu resultado no seginte ano non se fixo. Ou posiblemente, no futuro, retornar a unhas dimensións máis manexables despois de medrar para ocupar todo o pavillón, aínda sen moitos departamentos e familias profesionais, o que redundaría na calidade media pero tamén na visión da feira dentro do centro. Ou ben, lembrar aínda que este ano suprimiuse a serie de explosións dunha experiencia ("Explosión de auga forte") debido á perigosidade de querela facer máis impresionante do que xa é ... e con elo, máis ameazante para quen estaba arredor; marcará tamén un antes e un despois na seguridade, primando por riba doutros aspectos.

Criticar pode ser doado, pero facelo con perspectiva e datos observados, no relacionado coa ciencia, parece unha necesidade. A feira este ano albergou dúas exposicións, ambas excelentes, sobre a historia do cálculo e o cambio climático, ambas non dispoñibles en internet e .... ambas desaproveitadas por visitantes e expositores, pois a súa extensión e 'planicidade' facilitaban a súa 'vista ó paso', pero non chamaban a unha revisión en profundidade do que alí se explicaba. Que as malas lenguas (e boas vistas) atoparan mesmo antes da inauguración defectos nelas (por exemplo, o célebre CO2 multirepetido nunha delas) non deixou de ser un alicerce máis, aínda insuficiente, para facer un repaso dos paneis, nin foi motivo para excluír as súas moitas bondades. E que o apartado de Climántica, para facilitar o cal veu unha monitora varios días ó centro, tivera cousas xa repetidas e non significara unha 'produción totalmente propia’ , non é mais que unha anécdota dentro do conxunto da feira. anécdota que puidera repetirse.

En canto á estrutura da feira, este ano tamén houbo novidades. Hóuboas nos aspectos materiais, sendo o primeiro ano no que non se usan paneis de aglomerado, cubrindo, en base a unha nova inversión, todas as separacións e traseiras con estruturas metálicas soporte de lona. Notouse abondo na montaxe/desmontaxe non só das estruturas, senón tamén dereitamente dos murais, que pasaron de estar pegados dalgún xeito a suxeitos con pinzas metálicas, asemade con maior facilidade tanto para a montaxe como para a súa conservación. Unha pequena novidade na uniformidade: as camisetas por primeiro ano non foron en fondo branco. Tamén se notou en aspectos non materiais, de estrutura organizativa, funcionando un ano máis as listas de xente que debera e non debera estar na feira en cada momento, con adaptacións á realidade deste curso. Que non funcionou á perfección? Quen sexa perfecto, que tire a primeira pedra ... e que se poña mans á obra para a próxima edición, a XVI que espérase que vexa a luz seguindo co espírito co que comezou a primeira, facer algo vivo e continuado ó longo do tempo para poder aproveitar mellor os resultados.

Polo demais, presentar 80 items diferentes nun evento deste tipo sitúa á nosa feira a nivel internacional polo tamaño, despois de telos sido hai xa unhas cantas edicións pola orixe dos participantes. Por número de visitantes, puidemos comprobar que non estamos nin moito menos entre os eventos menos visitados deste tipo. Polo entusiasmo no momento, tampouco quedamos desfasados. Pola calidade? a parte de pola organización, na que xa hai unha notable experiencia e amósase edición tras edición, iso vai proxecto a proxecto, e se ben é certo que algúns necesitaban moito máis traballo ou unha mellor presentación, tamén os houbo competitivos en ambas cousas.Outros comentarios poden deberse á orientación da feira. Quizais debérase dicir que é unha feira da ciencia multiorientada, en polo menos dous sentidos. Un, os temas tratados, nos que coincide con outras moitas, e outro, na orientación dos proxectos en relación a que sexan reprodución ou mostra de algo xa feito ou investigación, e en ambos casos, nun amplo rango de posibilidades e dificultades.Por último a avaliación. Coido que un ano máis, produciu froitos palpables, aínda que mellorables. ero segue a ser algo que non está medido, cuantificado, e polo tanto, con boa parte subxectiva ... máxime cando (aínda) non se pasou unha enquisa para tentar avaliala. E é que, ademais, a feira, como unha idea en continua evolución, tamén está en continua avaliación.

Antonio Gregorio Montes

Conferencia de José Angel Docobo Durantez

2009-04-20T14:30:00.005+02:00

O venres pasado tivemos a sorte de poder escoitar a José Angel Docobo Durántez, director do Observatorio Astronómico Ramón María Aller, da Universidade de Santiago, nunha charla dirixida ao alumnado de Bacharelato dos dous institutos de Ribadeo. O tema versou sobre a historia da Astronomía, un percorrido polos acontecementos máis salientables e que foron determinantes na evolución do coñecemento nesta materia.
José Angel Docobo Durantez é unha das máximas autoridades mundiais na investigación no campo de sistemas estelares dobres e múltiples. Actualmente é o vicepresidente da comisión 26 da Unión Astronómica Internacional, o máximo órgano internacional que decide en cuestións de nomenclaturas e estándares en Astronomía. Na comisión 26 trátanse tódolos temas relativos a sistemas estelares dobres e múltiples.
A súa charla abre os actos da XV Feira da Ciencia, que desta maneira quere sumarse á celebración do ano internacional da Astronomía, conmemoración do cuarto centenario dende que Galileo Galilei empezou a utilizar o telescopio como instrumento de observación.

Na charla, Docobo, trazou un itinerario que, dende os exipcios ata a actualidade, nos foi levando polas grandes personaxes, fitos e descubrimentos que foron marcando a historia da Astronomía: Ptolomeo, Copernico, Galileo Galilei, Tycho Brahe, Kepler, Newton, Halley, ... Tamén amosou a forma de traballar no Observatorio de Santiago para o cálculo de órbitas de estrelas dobres e múltiples e os últimos descubrimentos, en concreto, un planeta extrasolar.
Rematouse a charla co visionado dun documental sobre a figura e obra do gran astrónomo lalinense, fundador do Observatorio de Santiago, D. Ramón María Aller Ulloa.

Intercambio co IES de Melide

2009-04-20T13:12:00.003+02:00

O mércores 16, os alumnos/as de 3º e 4º de ESO visitamos Melide.

Foi esta a primeira das recíprocas visitas co IES desa vila coruñesa, formando parte das actividades de intercambio programadas polo Equipo de Dinamización e Normalización Lingüística do noso instituto.

Puidemos coñecer un anaco doutra comarca do noso país, ver como vive, como fala e, un pouco, como pensa a xente da nosa idade, e, ademais, pasámolo moi ben. Estamos agardando a súa visita a Ribadeo, a mediados do mes que vén, para tratalos igual de ben que eles o fixeron con nós.

Ao chegar recibíronnos cun grupo de gaitas ... escocesas?, non, galegas, como debe ser, e tocadas por alumnos/as do centro. A continuación, fixéronnos o recibimento formal na biblioteca, onde varios alumnos/as nos explicaron aspectos da súa vila, do seu instituto, de como se divirten, etc. Leváronnos, despois, facer unha visita rápida polas instalacións do seu centro e fixéronnos, tamén, unha entrevista na radio do seu centro.

Despois dese rápido paso instituto, comenzamos coas visitas esteriores: Visita á igrexa de Sta. María de Melide, do s. XII e con interesantes pinturas murais, e ao conxunto etnográfico de Furelos. É este unha aldea restaurada, no Camiño de Santiago e á beira dun rio, que merece unha visita con calma.

Nós non puidemos comer na área recreativa de Furelos, como estaba previsto, e fumos para o Pavillón Polivalente do instituto debido a que facía mal tempo.

Á tarde visitamos o Museo da Terra de Melide, un museo etnográfico que se nota está feito con moito cariño e que dispón dunha máis que interesante colección de obxectos.

Despois deixaron que nosoutros coñecésemos a vila, cos seus monumentos e lugares máis interesantes, participando nun xogo de pistas. Dividíronnos en catro grupos e estaba moi ben organizado. Ao final déronlle unha camiseta a cada un dos membros do equipo que gañou. A verdade, o xogo estivo moi ben e pasámolo estupendamente.

Pero todo o bon acaba e ás 18:00 iniciamos a viaxe de volta á casa. Perdón, perdon, ... isto non acabou!! Queda recibilos a eles e xa o estamos preparando!!

Exporecerca Jove 2009

2009-04-15T00:28:00.013+02:00

A X Exporecerca estase a desenvolver plácidamente. O equipo organizador funciona perfectamente e faino posible. A experiencia que representa é un alicerce para aprender un mesmo (profesor, alumno ou 'persoa externa ó ensino') e poñer en práctica o que se aprendeu se se cre que está en disposición de facelo de xeito inmediato.
Contrastan 96 traballos de investigación de diferentes autores, campos e niveis de investigación, así como correspondentes a diferentes idades. Contrastan asemade pola cantidade de traballo dedicado, a orientación que se lles da, o sistema de presentación ou o método usado para aproximarse a un coñecemento máis profundo do problema. Nunha charla púxose de manifesto que o ano pasado, 2008, máis do 40% dos traballos presentados ó concurso nacional de xoves investigadores foran orixinarios de Cataluña. Sabendo que a exporecerca é de carácter internacional (este ano participan traballos de Brasil, Bélxica, Francia, Eslovaquia ou Paraguai) e que nela, a pesares de todo, os traballos de orixe catalán son 2/3 competindo en igualdade de condicións (como mínimo) cos demais participantes vidos dos catro confíns do mundo, non é de estrañar o éxito dos traballos cataláns a nivel nacional. Éxito que por outra banda, ven certificado e apoiado a nivel público polo curriculum didáctico, que hai xa moitos anos acolleu un 'treball de recerca' como obrigatorio para todos os alumnos; algo que foi aproveitado por profesores como Manuel Belmonte para potenciar tanto o actual desenvolvemento da investigación catalana a nivel do ensino como a interiorización da investigación polas persoas que pasan polo sistema educativo.

Manuel Belmonte? Manuel é o alma máter de Magma, sociedade xuvenil de investigación que é a creadora e encargada de levar a cabo a exporecerca. En base ás edicións xa transcorridas, a partires deste ano 2009 Magma poñerá na rede unha serie de orientacións e documentos sobre a realización de traballos de investigación e algún asemade sobre as feiras de ciencia, documentos que condensarán a historia deste evento, pero sobre todo aínda máis aló, a parte invisible que o fai posible.
Unha última referencia: a lingua. Non estraña, pero induce a pensar, que moitos alumnos cataláns prefiran explicar en catalán a facelo en castelán. Isto pasa mesmo con alumnos de orixe evidentemente inmigrante. Que pasaría en Galicia de suceder o mesmo?
Un valor engadido: a celebración da Exporecerca nos terreos do antigo 'Museu de Ciència', Hoxe 'Cosmocaixa', permite ós participantes un '2x1', recollendo ideas e aproveitando de ambos lugares.

E un algo que se fai difícil entender para quen isto escrebe: a mostra Exporecerca está a ser visitada por moi poucos visitantes externos. Aínda que non hai contabilidade dos visitantes, que eu saiba, diría que hai menos visitantes que a suma de organizadores, expositores e xuíces. Unha mágoa para unha actividade que paga a pena ou unha sorte que permite aproveitala mellor aos que participan nela?

Antonio Gregorio

O Relato dun dos viaxantes:

O mércores día 1 de abril despediámonos de Ribadeo para marchar catro días e tres noites a Barcelona, onde presentaríamos o noso proxecto sobre o desfase das mareas nas rías na Exporecerca Jove (2, 3 e 4 de abril) .

Trátase dunha expo que se vén organizando dende hai xa uns anos na capital catalana e que alberga participantes de entre 12 e 30 anos e de variopintas nacionalidades. Durante as tres xornadas na carpa, no complexo de CosmoCaixa, recibimos de bo grado a visitantes e curiosos que se achegaban a ver os nosos traballos. O certo é que nos chamou a atención o escaso número de visitas organizadas que houbo, polo menos en comparación coa nosa Feira da Ciencia de Ribadeo, e esperábamos que fora moita máis xente.

Respecto ós traballos expostos, observamos unha gran variedade en canto a temas, elaboración e calidade.

En canto á estancia , a residencia Ágora ofreceunos almorzo e cama, e a comida correu a cargo da organización Magma (a mesma que organiza a Exporecerca). As ceas pola nosa conta en McDonals e similares non estiveron nada mal... rico, barato... e divertido!.

Polo demáis... no tempo libre: recorrer de cabo a rabo o Museo da Ciencia, unha observación astronómica onde puidemos observar con claridade os aros de Saturno, turismo polo centro da cidade, e moitas, moitas partidas de futbolín.

En canto ós premios, non nos tocou nada que traer para a casa. Seguiremos traballando e tratando de mellorar o que temos feito e, se cadra, probar sorte en algunha outra expo ou similar. Polo momento... deixamos a investigación ata dentro duns días... a Feira da Ciencia en Ribadeo!.

Laura Piñeiro Rouco (1º Bacharelato)

Viaxe a Melgaço.

2009-04-03T14:01:00.001+02:00

O día 31 de Marzo, os alumnos de 4º ESO e 1º de Bach. Humanidades participamos nun dos “intercambios territoriais” organizados polo PROXECTO TERRA. O noso destino foi Melgaço. Comezamos a nosa visita por Porta de Lamas de Mouro, unha das sete portas ao Parque Nacional de Peneda-Gerês. Alí uns monitores moi simpáticos ensináronos a ordenación territorial daquela Serra. Pola tarde fumos a Castro Laboeiro donde iniciamos unha rota a pe de 3 Km, ainda que os kilómetros portugueses deben medir menos que os nosos pois aquelo non baixou dos 5 Km.

Instaláronnos nun albergue moi chulo e moi moderno, donde, casualmente, os profes e o conductor pudieron durmir sen sobresaltos………………….
Ó día seguinte recorrimos Melgaço. Comezamos pola torre medieval, seguimos polo museo do cine e rematamos no matadeiro municipal, convertido nun edificio moderno donde instalaron un museo adicado ó contrabando que existiu na fronteira Portugal-España; e á emigración portuguesa cara a Brasil e a Europa.
Resultou todo moi ben. Os monitores foron moi atentos e os nosos profes ¡ENCANTADORES!.
Pola nosa parte fumos moi bos, comimos todo o que nos puxeron, non mercamos chuches, fixemos a camiñata sen protestar nada de nada, non fumos consumistas, visitamos tódalas igrexas que había, esquecímonos dos móbiles, no albergue non fixemos nada de ruido e deixamos todo recollido ( esto último é raro pero é verdade).

Medimos o radio da Terra

2009-03-30T20:10:00.006+02:00

Unha das actividades programadas dentro do Ano Internacional da Astronomía consistía en medir o radio da Terra utilizando o mesmo método que Eratóstenes, alo polo ano 200 a.de C. As distintas medidadas da sombra do gnomon nesta ocasión proporcionaríanas os centros escolares que se inscribiran na actividade. O día proposto foi o do 27 de marzo e ... aí estivemos nós!.
No patio interior do instituto montouse unha mesa sobre a que situamos o gnomon cuxa sombra nos permitiu calcular a altura do Sol ao paso polo meridiano. Estes datos, xunto aos dos colexios restantes, mais de 500 en todo España e algún do estranxeiro, permitiron establecer o radio terrestre en 5982 km. Tendo en conta que o radio verdadeiro é de 6371 km, o erro cometido ven sendo do orde do 6%, bastante aceptable se temos en conta que as medicións fixéronas escolares en condicións non moi precisas.
Esta actividade debe servir para reflexionar sobre os logros científicos que se acadaron na civilización grega: fai 2200 anos que Eratóstenes, con medios rudimentarios, conseguiu estimar o radio da Terra cun erro similar ou incluso menor.
Hai quen opina que se non se interrompera o impulso que os gregos deron á Astronomía e á ciencia en xeral, hoxe teríamos colonias en Marte e estaríamos viaxando ás estrelas máis próximas.

Le Petit Nicolas. 50 Anniversaire

2009-03-27T13:54:00.008+01:00

Je suis d'Allemagne et je m'appelle Doris. J'adore ce livre. Je l'ai lu plusieurs fois et il me fait toujours rire. Achète-le!!!!!!!!!!!!!!!!!!!!!!!!!!!!!!!!!!!!!!

Bonjour. Je m'appelle Alexandre, j'ai 12 ans et j'adore le Petit Nicolas. J'ai lu tous les livres et j'ai acheté ce livre le lundi 9 Juin. A lire pour lecteurs confirmés. Salut!

Je m'appelle Elise et j'ai 23 ans! J'ai lu et relu tous les Petit Nicolas depuis mes 8 ans, c'est tout simplement génial! L'illustration est hilarante, ce qui ne gâche rien!! Bonne lecture et bon fou rire!

Je suis mexicain. J'habite au Tijuana et je suis allé jusqu'à Paris pour acheter la série de livres du Petit Nicolas. J'aime bien ce livre, parce qu'il n'est pas comme tous les livres. C'est très différent et amusant. Il me fait rire beaucoup et il m'aide à étudier mon français. Je suis un vrai admirateur de Nicolas! Merci à Sempé et Goscinny pour faire ces livres. Carlos C. - P.S. Excusez-moi si j'ai fait des erreurs d'orthographe ou de grammaire. Ce n'est pas très bien, mon français.

Voici quelques commentaires de lecteurs du PETIT NICOLAS.

Le Petit célèbre son 50 anniversaire. La mairie de Paris a présenté une exposition commémorative dont nous avons choisi quelques textes et photos.

C’est notre livre de lecture pour cette année scolaire, la classe est d’ accord avec les commentaires des lecteurs, nous aimons aussi bien les textes que les images : rires garantis !
Ah ! si vous ne faites pas du français…lisez-le en espagnol ou en anglais, ça vaut la peine.

Cristina A., Cristina G., Sandra, Sara 4 ESO

Charla sobre a Universidade

2009-03-17T11:17:00.002+01:00

O pasado venres 13 tivo lugar unha charla de orientación universitaria á que asistiron os alumnos e alumnas de 1º e 2º de Bacharelato.
Interviñeron, da Universidade de Santiago, Carlos Baliñas Pérez da Facultade de Humanidades, Emilio Corral Vilariño da Escola Politécnica Superior e Lorenzo Fernández Prieto, Vicerreitor de Relacións Institucionais.
Ademais de dar un repaso ás distintas titulacións e saídas profesionais, abordouse o tema de mais actualidade no momento: o plan Bolonia e a adaptación do sistema universitario ao espazo europeo de educación superior.

FESTIVAL DE TEATRO CLÁSICO GRECOLATINO LUGO 2009

2009-03-17T08:40:00.016+01:00

O mércores día 11 un grupo de 16 alumnos/-as do IES “Porta da Auga”estudiantes de Latín e Grego en 1º de Bacharelato e Cultura Clásica en 4º ESO e 4º ESO Diversificación, visitaron a cidade de Lugo co fin de presencia-la representación da comedia plautina titulada “Miles gloriosus” que se puxo en escena dentro da 9ª edición do Festival de Teatro Clásico Grecolatino:

O grupo de alumnos/-as realizou tamén tres visitas de carácter histórico:

I. O Centro arqueolóxico San Roque, de recente apertura, no que se atopan musealizados in situ os restos dunha necrópolis que se empregou como tal entre os séculos I e V d.C.,dous enterramentos de incineración e de inhumación, restos dun forno adicado á producción de cerámica, e unha piscina ou estanque ritual, relacionado con cultos orientais.

II. A Casa de Interpretación da Muralla, que cun equipamento de última xeración abre unha nova porta que desvela os segredos da vella muralla ás xentes do século XXI. Os alumnos percorreron as tres plantas e en cada unha delas viron un vídeo explicativo ademais de poder acceder a calquera dato a través de paneis dixitais: na primeira planta asistiron á construción da obra magna de enxeñería que é a muralla; na segunda coñeceron os cambios que experimentou ó longo de máis de 2000 anos de historia e na terceira achegáronse a unha perspectiva máis social e lúdica sobre a mesma.

III. A Casa dos Mosaicos, unha casa grande e importante que, segundo os restos achados, foi construída entre os séculos I e II, e estivo ocupada ata mediados do século V. Nela os alumnos asistiron a unha montaxe audiovisual proxectada nunha pantalla de catro metros, de 12 minutos de duración, completando así a percepción da realidade daquela vida desta gran casa patricia. Mosaicos, pinturas murais, bases de columnas, os restos do hypocaustum que aseguraba a calefacción desta soberbia mansión constituiron un museo de extraordinario interese para a súa comprensión da vida cotiá das elites locais nos tempos do Baixo Imperio Romano.

As mulleres tamén emigran

2009-03-04T19:24:00.004+01:00

Dende onte e ata o próximo día 13 as escaleiras e corredores do IES acollen a exposición “As mulleres tamén emigran”. Con isto queremos conmemorar o Día Internacional da Muller Traballadora, próximo 8 deste mes.
A exposición, cedida pola Fundación 10 de Marzo, consta de 18 paneis que resumen as penurias ás que se enfrontaron as mulleres que tiveron que saír do seu país á procura dunha vida mellor. Ser muller e emigrante supuña, e aínda supón en moitos casos, aumentar aínda máis os niveis de indefensión, desigualdade e submisión.
Primeiro foi América, despois Europa e agora é aquí onde se procuran facer realidade os soños dunha vida digna, duns dereitos que, por elementais que parezan, aínda hai que seguir reivindicando en moitos lugares deste planeta.

Inconvenientes sociais e para a saúde do ocio incontrolado

2009-02-26T19:55:00.000+01:00

D. José Ignacio Carro Otero, presidente da Real Academia de Medicina e Cirurxía de Galicia, impartiu unha charla dirixida a alumnos do IES e CIFP sobre as consecuencias que para saúde poden ter os hábitos de ocio que se están implantando entre os xoves.
Esta conferencia enmárcase na campaña que dende o ano 2004 a Real Academia Galega de Medicina e Cirurxía de Galicia, co patrocinio das Deputacións Provinciais, ven desenvolvendo nos institutos de educación secundaria co obxecto de mellorar a educación sanitaria do alumnado. Actualmente xa se contabilizan máis de 200 actuacións nos IES de todo Galicia.

Teatro en inglés

2009-02-26T17:32:00.001+01:00

Last Friday some students from IES Porta da Auga and IES Gamallo Fierros (and also from Tapia) went to see an English play. Three comedian actors played the part of three teenagers, showing the lifestyle of adolescents nowadays – dancing at the disco, meeting new friends, chatting up, arguing with parents…
All students roared with laughter. Most of them said the show was really good and fun. And of course it was, because at the end of the show some students danced in front of all the audience. Never had we imagined learning English could be so nice!

Laura Piñeiro – 1º Bacharelato

A Capela das Virtudes, Arante

2009-02-12T19:52:00.001+01:00

Con motivo da celebración dos 200 anos da vitoria dos veciños de sete parroquias (4 de Ribadeo e 3 de Trabada) ás tropas francesas de Napoleón na Ponte de Arante, o Concello de Ribadeo, en colaboración coa Fundación Comarcal da Mariña Oriental, organizou visitas ao lugar para os centros escolares.
O martes, día 10, os alumnos de 2º de ESO tiveron ocasión de revivir a singular batalla, explicada polos profesores, e contemplar os retablos da Capela das Virtudes (Arante).

Unha ruta no museo

2009-01-29T19:22:00.003+01:00

Por fin chegou o esperado día de visitar o Museo Provincial de Lugo.

Chegamos a el cara as 10:30 da mañá aproximadamente. Unha vez alí dividíronnos en grupos, entregáronnos un folleto a cada un de nós e dixéronnos que tratásemos de dar resposta ás vinte preguntas que figuraban nel.

Fomos facendo un percorrido polo museo buscando as respostas ás preguntas. Ao memso tempo visitamos o Claustro, que é moi fermoso, onde vimos varios reloxos de Sol. No centro atópase un pozo de pedra. Tamén vimos pinturas, de artistas lucenses e ourensáns.

Cando rematamos de contestar as preguntas fomos á sala dezasete, onde nos agardaba un monitor xunto coas nosas profesoras e foinos facendoa as preguntas ás que respondía cada un dos portavoces dos catro equipos que formáramos. Houbo un premio para cada un dos compoñentes do grupo gañador. O meu equipo quedou segundo.

Penso que volverei ao Museo, houbo moitas cousas que non vin e que me gustaria facelo.

Daniel Pedrosa (1º B)

Pradolongo

2009-01-29T14:13:00.002+01:00

O pasado xoves, día 22 de xaneiro do 2009, estudantes da ESO e Bacharelato dos institutos IES Porta da Auga e IES Gamallo Fierros, ámbolos dous de Ribadeo, atopáronse nas salas de cine do pobo con motivo da proxección do filme galego “Pradolongo”.
“Pradolongo” desenvólvese arredor de dúas temáticas principais: o amor e a natureza. Unha canteira situada na zona ameaza coa posesión de todas as leiras, prados e terras dos habitantes da aldea e a consecuente destrución de tan bonita paisaxe natural, o que beneficiará a uns e a outros non tanto. Paralela a esta historia, e non independente, está a de Martiño, Raquel e Armando, que descubrirán como co paso da tempo deixaron de ser simples adolescentes a ter responsabilidades da vida adulta... algo que non todos tomarán do mesmo xeito.
“Padrolongo” amósanos as insólitas paisaxes ás veces esquecidas da nosa terra: os costumes, as verbenas do pobo, etc. É por isto polo que moitos espectadores, grandes ou cativos, se ven reflectidos dalgunha maneira na trama da película.
Ao rematar a película, Rubén Riós (Martiño na ficción) tivo un pequeno coloquio cos rapaces e profesores. No mesmo, contoulles aos estudantes divertidas anécdotas que tiveron lugar durante a rodaxe da película, así como lles deu consellos a seguir nas súas carreiras e estudos. Rubén falou tamén acerca do audiovisual galego, que non evoluciona demasiado debido, precisamente, á escasa rodaxe de filmes.
Trátase da primeira película rodada integramente en galego dende o 2002. Foi premiada no Festival de Cine de San Sebastián, e recibiu varios premios en Galicia. Entre os seus proxectos próximos destaca a estrea da película en París en marzo deste mesmo ano.

Concurso As Mates Molan

2009-01-22T12:36:00.004+01:00

Por segundo ano consecutivo o departamento de matemáticas fai un chamamento aos alumnos e alumnas de ESO da Mariña a que se animen a resolver problemas, conscientes que esta actividade, ademais de ser unha das principias finalidades das matemáticas, reporta a quen a practica a satisfacción necesaria para a motivación, o aprendizaxe e a adquisición da competencia matemática.
Utilizando a web como medio de difusión e participación, este concurso consiste en resolver cinco boletíns de catro problemas cada un, nunha primeira fase que se desenvolverá dende o 30 de xaneiro ata o 17 de abril. Gradualmente, a intervalos duns 15 días, iranse publicando os boletín na web do departamento de matemáticas, establecéndose un prazo para a entrega das solucións, que tamén se poden enviar por correo electrónico.
Finalmente, os/as concursantes que acaden unha maior puntuación realizarán a última fase do concurso consistente nunha proba presencial no IES Porta da Auga o día 5 de maio. Os/As gañadores/as en cada unha das categorías establecidas, 1º e 2º de ESO por un lado e 3º e 4º polo outro, recibirán 100 € en vales de compra.
Para participar non se necesita ningún tipo de inscrición, tan só hai que enviar as solucións aos boletíns seguindo as instrucións que aparecen na paxina web do departamento. Ademais, tampouco é necesario presentar as solucións a todos os boletíns nin a todos os problemas.

Esperamos que moitos alumnos e alumnas se animen a participar, non teñen nada que perder, seguro que aprenden moito e ao mellor aínda gañan algo.

http://www.demates.es/ (web do departamento de matemáticas)

Felicitación

2008-12-19T03:05:00.006+01:00

Carla (3º ESO)

Os mellores desexos para toda a Comunidade Educativa nestas festas de Nadal e ano novo 2009.

Conferencia sobre a doazón e transplante de órganos.

2008-12-19T02:12:00.002+01:00

O mércores día 17 de decembro do 2008, estudiantes de bacharelato e ciclos formativos dos IES Porta da Auga e Gamallo Fierros asistimos a unha conferencia acerca da doazón de órganos no salón de actos deste último.
O presidente da Asociación Galega de Transplantes “Airiños” e máis dous representantes do equipo de doazóns e transplantes do hospital de Ferrol foron os encargados de levar a charla. Con eles estaba Miguel Pérez, membro tamén da asociación.
O presidente da mesma, Tito, quen nos comentou que el mesmo é un transplantado de fígado dende hai uns anos, salientou como obxectivos principais da asociación o apoio a aquelas persoas que están en lista de espera agardando un órgano, así como ás súas respectivas familias e, por suposto, o fomento da doazón.
A Dra. Isabel Álvarez e o ATS Juan Campo explicáronos as distintas fases no proceso de doazón. Así mesmo, trataron de deixar clara a diferencia entre morte por parada cardiorrespiratoria e morte cerebral, sendo esta última a válida para a extracción dos órganos. Expuxeron, ademais, os criterios de selección de receptores: paciente máis compatible, urxencia, autonomías, etc. Citaron o tempo no que se mantén cada órgano en bo estado antes de ser transplantado, sendo o fígado o máis duradeiro (24-48 h) e corazón e pulmón os menos (máx. 6 h)
Fixéronnos saber datos como que España é un dos países con máis auxe de transplantes. En Galicia 4000 persoas foron transplantadas e unha décima parte dos pacientes en lista de espera falece agardando un órgano.
Por último, incidiron sobre os rapaces no feito de facerse doadores mediante unha curtametraxe relacionada co tema.
Tan só engadir que é moi fácil facerse doador e conseguir a tarxeta. Só temos que solicitala, por exemplo, no centro de saúde do noso concello, e axiña recibiremos o carné. Sería conveniente que lle comentásemos a nosa elección aos nosos achegados. Para posibles dúbidas pode chamarse á Oficina de Coordinación de Transplantes de Galicia, 981542863.
O obxectivo de todos é o de conseguir o maior número de doantes posible e así reducir a porcentaxe de pacientes que morren agardando na lista de espera.

Recital poético Calella sen saída

2008-12-18T14:00:00.004+01:00

O pasado luns 15 de decembro os alumnos de 2º de Bacharelato coa colaboración de rapaces de 2º de ESO realizamos un recital poético que serviu como actividade de peches desta primeira avaliación.
O tema principal do mesmo foi inmigración a e pobreza do Terceiro Mundo. Ademais de recitar os distintos poemas, contamos coa colaboración do escritor afro-galego Victor Omgbá, autor do libro Calella sen saída, que aborda esta temática e que nos serviu para darlle título ao evento.
Mantivemos unha amena charla con el e puidemos coñecer a súa visión como inmigrante e tamén algúns aspectos da cultura do Camerún.
Como broche final do acto unhas rapazas de 2º de ESO interpretaron o tema Clandestino de Manu Chao.

Exposición de Metroloxía.

2008-12-12T12:32:00.007+01:00

Durante estes días e ata o 19 de decembro o IES conta coa exposición Medindo o Universo, a historia das medidas.
Consta de 17 paneis nos que se fai un percorrido a través da historia das medidas, dende os exipcios ata a actualidade.
Cales foron os primeiros problemas derivados da necesidade de medir?. Como se amañou Eratóstenes no século II a. de C. para medir o diámetro terrestre?. Cales son os antecesores das actuais sinalizacións quilométricas das nosas estradas?. Cantos antepasados ten o sistema métrico decimal?. Como se fixo o primeiro mapa de Galicia?. A resposta e todas estas preguntas pode lerse nos paneis da exposición, e coñecer, por exemplo, os obstáculos que se foron superando para controlar a medida do tempo, algo que hoxe en día nos parece tan doado.
Pero non está todo feito, a medida afronta actualmente novos retos nos que se traballa intensivamente nos centros de metroloxía de todo o mundo, como o Laboratorio Oficial de Metroloxía de Galicia, organismo que ten a súa sede no Parque Tecnolóxico de Galicia en San Cibrao das Viñas, Ourense, e que nos cedeu a exposición.

Se queres ver a exposición, ademais de visitala no IES Porta da Auga, podes atopar información no enlace http://www.medindo.org/descargas.html.

Micoloxía

2008-11-12T19:54:00.004+01:00

Para non perder as boas costumes, a semana pasada tivemos no laboratorio de ciencias unha exposición de setas. Aínda que non se puido facer a saída habitual ó Campo do Oso porque os dous días elexidos chovía que metía medo, os alumnos trouxeron voluntariamente os exemplares que atoparon e montamos unha pequena exposición na que se podían observar entre outras: Amanita muscaria (seta dos enanitos), Lepiota procera (parasol), Coprinus comatus (coprino), Boletus badius (boleto), Sparassis crispa (coliflor), Poliporus sulfureus, Lycoperdum maximum (bejín xigante) e Lycoperdum molle (peido de lobo).

Por suposto que había moita menos variedade ca outros anos, pero pese a todo, a actividade mereceu a pena e foi aproveitada por moitos alumnos.

I Mostra de Ciencia e Cinema

2008-10-31T11:51:00.007+01:00

Do 22 ao 24 de outubro a Casa das Ciencias da Coruña organizou a I Mostra de Ciencia e Cinema na cal participaron, como membros do xurado da sección xove, dous alumnos de 4º de ESO deste instituto, Jairo Valea López e Sandra Regodeseves López, . Velaquí as súas experiencias:

A viaxe en bus foi un pouco pesada, pero gustoume moito ir á Coruña grazas á hospitalidade e ao ben que se portaron con nos os monitores, Bibiana e Fuco. Había seis colexios ademáis do noso: tres da Coruña, un de Pontevedra, un de Vigo e un de Cambre. As películas eran todas moi boas, o problema é que non todas podían ganar. A organización tivo un bonito detalle ao levarnos a ver o Aquarium (retrasaron a cea das focas para que nós puidésemos ver como lles daban a comida) que foi unha experiencia marabillosa. Logo volvemos á Domus, onde se proxectaban as películas, para escoitar a conferencia de Javier Jáuregui sobre a contaminación lumínica, un tema moi interesante e a ter en conta. Non puidemos escoitala toda debido a que os rapaces e rapazas dos colexios que non eran da Coruña tiñamos que ir ao hotel, que era fantástico. O venres rematamos de ver as películas e tivemos que decidir cal era a mellor. As votacións foron reñidas e acabaron empatadas dúas películas: "os lingüistas", trataba de dous homes que investigaban as linguas que están a piques de desaparecer, e "Terra Incógnita", sobre un pai que tiña unha filla tetrapléxica e investigaba coas células nai. Ao final repartimos o premio de 2000 euros entre as dúas, xa que criamos que as dúas o merecían.
Agora so me queda agradecer ao instituto en xeral por permitirnos esta bonita e inesquecible, e probablemente única, experiencia e polo seu interese por nós durante a viaxe e tamén darlle as grazas a Antonio Gregorio por pensar en nós. Se algunha vez volo ofrecen non o dubidedes e ide.

Sandra Regodeseves López

O día 22 de outubro saín da estación de autobuses con dirección a Coruña. Chegamos alí cara ás 11:20. Logo comezamos a ver as películas. Ás 14:00 comemos e ás 16:00 fomos ao Acuarium. Logo tivemos unha conferencias sobre a contaminación lumínica. Partimos logo para o hotel e ceamos.
Estiven vendo a televisión e durmínme ata o día seguinte.
Ó día seguinte volvemos a ver varias películas e fixemos a votación. Gañaron 'The Linguists' e 'Terra incógnita”. Comemos e ás 4 estabamos rumbo a Ribadeo.
Paseino moi ben.

Jairo Valea López

Percorridos. Artes plásticas na Mariña.

2008-10-30T00:03:00.005+01:00

O mércores 22 de outubro, os alumnos e alumnas de 3º ESO tiveron o privilexio de saír do instituto por uns intres e visitar a exposición Percorridos: Artes plásticas da Mariña, sita no castelo de San Damián. Esta exposición colectiva ubícase en diferentes espazos da provincia (Mondoñedo, Cervo, Ribadeo) e integra unha selección variada da obra de artistas lucenses de varias xeracións e, polo tanto, múltiples sensibilidades.

A visita foi dirixida por un dos creadores da mostra e antiguo compañeiro de profesión, Mauro Leivas, quen, nun esforzo didáctico encomiable pola súa parte, tentou resumir as rupturas, movementos e transformacións da arte para comprender mellor a escolma de pezas alí recollidas.

A escultura, a fotografía, a instalación, o video, a pintura e o debuxo dábanse a man nun equilibrio sintetizador, ejemplificando o discorrer híbrido da creación actual, moi deudora aínda das convulsións estéticas do pasado século.

A charla foi amena e a visita fíxose breve, a proposta cumplira a súa función de enriquecer as miradas do alumnado e deixou no ar moitas preguntas sobre o actual labirinto da arte e os seus amplos e personais vieiros.

Oscar Villanueva

El beso del Sahara

2008-10-23T18:58:00.001+02:00

Dentro del programa de animación a la lectura organizado por el IES “Porta da Auga”, Gonzalo Moure presentó su libro El beso del Sahara a los alumnos de la ESO. La exposición fue muy animada y, como siempre, el autor, supo captar la atención de su auditorio. No se trataba de hablar sobre un libro previamente leído, sino de suscitar el interés por su lectura sin desvelar el contenido de la obra.
Gonzalo Moure tiene desde hace tiempo una estrecha relación con el pueblo saharaui, viaja con frecuencia a la región en la que habitan varias de sus familias de adopción y es un apasionado defensor de la causa de este pueblo olvidado en los confines del desierto. Su presencia en el instituto contribuyó, por lo tanto, a recordar una deuda moral que nuestro país tiene con los pobladores de su antigua colonia.
El coloquio posterior a la charla brindó la ocasión de que numerosos alumnos se interesasen por la vida y la cultura del pueblo saharahui, que vive en unas condiciones extremas, difíciles de imaginar. No solo fue un acto de animación a la lectura, también constituyó una llamada a la solidaridad.
Los organizadores de la actividad esperan que los asistentes al acto lean la obra y experimenten una transformación similar a la de la protagonista, aunque advierten que con ello corren un cierto peligro.

Segunda parte do intercambio escolar con Les Sables D'Olonne

2008-09-22T17:38:00.004+02:00

Rematou cun rotundo éxito o cuarto intercambio escolar que este centro realiza co colexio Notre-Dame de Bourgenay de Les Sables D´Olonne, Francia.
Dende o 12 ao 21 deste mes 26 alumnos e alumnas dos cursos de ESO viaxaron a Francia devolvendo a visita que os escolares franceses nos fixeron no mes de abril. Estiveron acompañados das profesoras Julia Gallego e Teresa García que xa coñecían a localidade de visitas anteriores.
Ademais da convivencia en familia, de disfrutar da bonita cidade de Les Sables D'Olonne, das súas praias e alrededores e practicar o francés, aproveitaron para visitar os parques temáticos de Puy du Fou e Futuroscope de Poitiers, o centro da prehistoria Le Cairn e lugares de interese da cidade.
Foron uns días ben aproveitados dos que seguro que gardarán uns gratos recordos, tamén grazas a magnifica acollida e hospitalidade que en todo momento lles brindaron os nosos amigos franceses.

Número XVII da revista XERFA

2008-09-22T17:28:00.002+02:00

O novo número da revista XERFA está máis que nunca cheo de participacións dos nosos alumnos e alumnas en forma de poesías, contos ou entrevistas a personaxes tan coñecidos como María Castro ou Antón Durán.

Vótelle unha ollada aquí.

Intercambio Rianxo-Ribadeo

2008-05-30T19:50:00.001+02:00

O pasado mércores 28 concluíuse o intercambio realizado entre os institutos Félix Muriel de Rianxo e o Porta da Auga, que tiña como principal obxectivo a convivencia e coñecemento dos dous pobos, fomentando o galego.

O proxecto comezou coa nosa viaxe a Rianxo no mes de abril, onde a pesar do mal tempo, puidemos coñecer o pobo e ter un maior vínculo cos rianxeiros/as.

Este mes foi o seu turno, e polo tanto o traballo recaeu sobre nós para darlle unha boa benvida. Despois dunha breve presentación e actuación por parte dos alumnos comezou a visita polo noso pobo. O tempo, unha vez máis, xogounos unha mala pasada e os plans previstos víronse bastante truncados, pero aínda así puideron coñecer bastantes recunchos da nosa vila, a pesar de que moito do recorrido fora en autobús.

Levámolos a Santa Cruz, onde camiñamos e posteriormente baixamos ao pavillón a realizar xogos populares. Visitamos lugares emblemáticos da vila (o concello, o parque, o faro, diferentes rúas,...), tivemos algo de tempo libre, e despois continuamos a nosa visita pola zona costeira ata a vila mariñeira de Rinlo, onde finalizou a nosa experiencia.

Agardamos que o noso pobo lles gustase e que quedaran contentos coa visita!.

Andrea Martínez

Antía Blanco

Viñeron os(as) de Rianxo...

2008-05-29T19:44:00.002+02:00

Este mércores 28 os alumn@s e profesores do IES Felix Muriel de Rianxo viñeron, dentro das actividades de intercambio promovidas polo Equipo de Normalización e Dinamización Lingüística, devolvernos a visita. Nin a auga caída foi quen de augarnos a festa!
Nada máis chegar, a iso das 12, recibímolos como se debe: no Salón de Actos, con saúda do noso Dire e unha breve e interesante explicación de como é este curruncho da nosa Terra que é Ribadeo, do traballo que fixemos e estamos facendo do equipo, proxección visual, lectura de algún poemiña e ata interpretación artística cantada; todo isto, claro está, a cargo noso, dos alumnos/as.
Santa Cruz foi o que veu a continuación. Vista panorámica, xogos ... que quedaron reducidos ao tiro de corda porque ... coa que caía! Iso si, puidemos dar boa conta dos bocatas que levábamos.
E como chovía, un pouco de pavillón, con xogo de billarda, pano e convivencia-convivencia, no que algúns tiveron máis éxito que outr@s.
Mirasol-Figueirúa, percorrido polo paseo marítimo Alfonso Rodríguez Castelao (mira que é bonita a Ría con Castropol e As Figueiras do outro lado!), visita a Cargadeiro e Forte San Damián (con explicación documentada pola nosa parte) e, para rematar, chegada ata o faro de Illa Pancha.
Volta a Ribadeo, breve paseo por San Roque, as Catro “Calles”, parque (Torre dos Moreno e Pazo de Ibañez) e tempo libre.
E para rematar un moi agradável paseo pola zona do porto de Rinlo, aproveitando o mellor sol do día. Entrega de obsequios e, con certa pena, despedida. A vida segue e quizás algúns e algunhas nos volvamos ver ...

3ª Sesión de cinensino

2008-05-19T02:24:00.003+02:00

O pasado mércores, día 14 de maio, o alumnado do 1º ciclo de ESO asistíu á proxección do filme "Un puente hacia Terabithia" na que foi a terceira e última sesión, neste curso, do programa cinensino.
No filme Jess (Josh Hutcherson) e Leslie (AnnaSophia Robb) son dous nenos de doce años cunha imaxinación desbordante. Desde o primeiro día que se coñecen na escola, o seu desexo de escapar dunha realidade mediocre que non lles agrada levaraos a crear na metade do bosque un mundo imaxinario e marabilloso: Terabithia. Este mundo fantástico, do que eles son amos e señores, acabará sendo un reflexo da súa realidade cotiá e axudaralles a enfrontarse a certos medos e inseguridades e a establecer entre eles un vínculo tan forte que non poderá ser roto por nada nin ninguén.

XIII día da Ciencia na Rúa de A Coruña

2008-05-14T10:22:00.002+02:00

O que é a vida: a Feira da Ciencia do IES porta da Auga vai unha edición por diante desta macro feira de A Coruña. Macro polo número de participantes e centros, así como polo número de proxectos e difución comparada coa nosa. Pero precisamente por eso van un pasiño por detrás nalgunhas cousas. Tamén eles están a plantexarse unha pequena reducción de tamaño, a pesares de que teñen sitio e o tamaño facilítalles o ter un orzamento grandiño. E é que o máis grande non ten por que ser mellor.
Voltando ó tema principal, o pasado 10 de maio 23 alumnos e alumnas, unha profesora e un profesor achegámonos á Coruña, o Parque de Sta. Margarida, para participar na primeira edición deste evento con participación do galego. E é que ata o momento toda a cartelería se facía só en castelán. O por que do cambio? Política municipal.
Non damos entrado en materia. Repetición: 23 alumnos e alumnas, que trouxeron como agasallo unha camiseta, a bolsa da comida, un pin... e outras cousas como unha volta gratis pola Coruña ou unha lesión nunha perna no Corte Inglés (que xa é categoría ser atendido no botiquín de dito comercio)
Pero, non era un día de ciencia? Certo. Por turnos, na carpa asignada ('jaima', na denominación aborixe coruñesa), foron expostos os traballos Circuíto humano, Mesa de billar trucada, Cubiño de xeo en aceite, Visión vacuna, Esqueleto de raposo, O Ferro dos cereais, Imáns que levitan, Vasos pegañentos e Tamiz hermético, todos vistos na nosa feira de abril deste ano.
O ambiente, a pesares da choiva, foi moi bó. Ata houbo intercambio de números de móbiles e correos electrónicos con xente foránea, chamada moitas veces de intención para visitar a nosa carpa. A atención á xente de fóra, exquisita. Anécdotas, moitas, pero coido que deben ser contadas pola xente que as viviu. Aprendizaxe? Abondo; sempre se ve algunha novidade e afeitos á nosa feira, sempre se procura con maior eficiencia que os que van de visita a unha exposición coma este.
Unha precisión: a gratuidade ven de que os 'Amigos da Casa das Ciencias' nos pagan a viaxe precisamente para que levemos experiencias amosadas aquí, na nosa feira.
En resumo, hai xente que xa está esperando a próxima edición para participar e 'aprender' cousas, alí e dándose un garbeo pola Coruña, por exemplo, polo Acuario, que ese día está aberto e ten transporte e entrada gratuítos para os participantes como nós.

Xa está en marcha un novo proxecto de intercambio

2008-04-28T12:36:00.004+02:00

O Consello de Europa insiste na necesidade de que as persoas desenvolvan competencias suficientes en máis de una lingua estranxeira para relacionarse con outros membros dos países europeos. As persoas plurilingües poden aproveitar plenamente as vantaxes que representa vivir nunha Europa multicultural: saber linguas contribúe ao pracer de viaxar e axuda a facer amigos; ademais, pode traducirse en mellores perspectivas laborais. Os cidadáns da UE teñen dereito a vivir e traballar en calquera lugar da Unión. Polo tanto, é moito máis fácil facer uso deste dereito si se fala a lingua do país ou da rexión á que se desexa ir.

Neste ano Europeo do diálogo intercultural os responsables dos centros educativos estamos tamén chamados a promover entre os xoves a aprendizaxe de linguas estranxeiras e a fomentar o coñecemento e a comprensión da diversidade de culturas. Esta tarefa na que vémonos máis directamente implicados os profesores de idiomas, resulta farto difícil. Somos conscientes de que na práctica diaria na aula no sempre é fácil espertar o interese dos alumnos pola lingua estranxeira, nin levar a cabo una pedagoxía fundada no entusiasmo e a intelixencia creativa, capaz de estimular a observación, a atención, reflexión e sentido crítico; aspectos que nos parecen de suma importancia na aprendizaxe dunha lingua. É precisamente por este motivo polo que desde o Departamento de Francés vimos a necesidade de traballar para ofrecer os nosos alumnos unha ensinanza da lingua e da cultura francesa que non se vexa reducida a unha mera competencia comunicativa exercida sobre situacións simuladas. Isto é, situacións nas que o alumno entra no xogo si se lle presentan de forma atraente e se sente psicológicamente próximo aos personaxes representados. E o noso desexo que dita ensinanza estea reforzada pola posibilidade dunha comunicación real e directa con falantes francófonos, que procure aos nosos estudantes un mellor coñecemento dos aspectos socioculturais que transmite a lingua estranxeira.

Para a consecución deste obxectivo vimos desenvolvendo unha liña de actuación baseada na participación en distintos proxectos europeos, xa sexa dentro do programa Comenius (acollida de axudantes lingüísticos, asociacións escolares) xa, dentro do marco das axudas da Xunta de Galicia para a realización de intercambios lingüísticos (Collège Notre-Dame de Bourgenay en Les Sables d´Olonne, Lycée Laënnec en Pont-L’Abbé, Collège International Marie de France en Montreal). Un número importante de alumnos de FLE se viu beneficiado coa realización destas iniciativas, apreciando o valor da lingua estranxeira como medio de comunicación con persoas pertencentes a unha cultura diferente e como elemento favorecedor das relacións sociais e interpersoais.

As razóns aducidas anteriormente, así como a experiencia positiva manifestada polos profesores e alumnos dos centros participantes leváronos a considerar oportuna a organización dun novo proxecto de intercambio para este curso 2007/08. Este cuarto proxecto con o centro Notre-Dame de Bourgenay, supón un paso máis na nosa andadura e na nosa afirmación de apertura, pois o noso departamento ao igual que o noso centro non cesan no seu empeño de abrirse ao mondo.

Como en anos anteriores esta actividade, que contou coa participación dun nutrido número de alumnos, desenvólvese en dúas fases:

Unha primeira visita dos estudantes e docentes franceses a Ribadeo que abrangueu do 05 ó 12 de abril. Optouse pola acollida familiar como modalidade de aloxamento. O Departamento de Francés do I.E.S. “Porta da Auga” organizou con motivo da súa estadía na nosa vila un variado programa de actividades que en moitos casos quedaron deslucidas por causa do mal tempo.

Os alumnos e profesores españois viaxaremos a Les Sables d´Olonne o 12 de setembro. A duración da nosa estadía no país veciño será de 8 días rematando o 22 de setembro, día de regreso a Ribadeo. Como no caso anterior serán as familias as encargadas de aloxar a aprendices e educadores.

O interese espertado por este tipo de proxectos anímanos a seguir traballando e apostando pola realización destas e outras iniciativas que favorezan e estimulen o estudo da lingua francesa e sobre todo o uso da mesma en situacións de comunicación reais con falantes francófonos.

Les élèves de 4º ESO ont présenté un travail à la Bibliothèque

2008-04-21T18:36:00.004+02:00

Ce travail est divisé en deux parties LE VOYAGE DES MOTS et L'ORIGINE DES NOMS
On a revisé les curiosités des noms de famille: de noms de métier (census de Paris de l' année 1292), de noms d' animaux (avec la carte de France pour montrer les departements où ils sont fréquents) ainsi que les sobriquets( chauve, camus etc.). Les noms de personne sont representés ici par des noms de saints (martyrs).
Les noms de quelques villes d' origine grècque, latine, celte...Marseille, Nantes, Lyon, La Rochelle, Paris,etc.
L' origine de la langue française a été étudié chronologiquement. On a cherché des mots gaulois, des mots latins conservés tels quels dans le français actuel, et de mots provenants de l' Amérique et les îles(à partir de sa découverte), des mots chinois, japonais, allemands, russes, africains...
Sur la carte du monde de notre classe nous avons disposé des bateaux, des avions, des voitures...où les mots ont voyagé à travers les mers, la terre et le ciel pour arriver en France.
Ce travail est signé par Anxo, Alberte, Alba, Claudia, Carlota, Edén, Luisa et Marta