![](https://blogger.googleusercontent.com/img/b/R29vZ2xl/AVvXsEh8-UnqGSWY07lyS5OCXlP_AVcK5fhTadjBeBjDQICChTib4FdOGjMbF2ppMHY-Xj6z3ZbINydrAOOkO1wTjoFGivyd367ftga5tD5VPLh4urubDVvrII53pv5omzfClejUhakvvQ8ExOvh/s320/banderin.jpg)
Eis o que define a experiencia do que foi a derradeira semana do curso. A cousa comezou practicando o que é o uso da bici como método de transporte ao cole, xuntándonos todas as mañás na Praza de Abastos para facer o camiño xuntos, e aínda que nun principio non eramos moitos, temos que confesar que de día en día foi medrando o número de participantes... o cal nos anima a comezar o curso que vén repetindo a experiencia.
A segunda parte consistiu nun paseo en bici, tomando como referencia a costa e chegando até Rinlo. Participamos sobre unhas trinta persoas, e temos que confesar que foi moi agradábel ao que contribuíu o bon día que tivemos.
![](https://blogger.googleusercontent.com/img/b/R29vZ2xl/AVvXsEguGoTVq-oCOGtTuYX8LkAmY0FjQ-ctibwaJMXak2eG-sdztab6y-uI0v2Lx0xErq4cUK__o08w1gmrwba8zqVA5jeNgF8wYmZbDuncMN4BUdWKtYuXlAdTpvafcqyea7qs_-5ItCsEdi9U/s320/vive+a+bici+2010-1.jpg)
A primeira parada foi na Illa Pancha onde o encargado do faro nos explicou o seu funcionamento e nos permitiu subir á torre, desde onde a vista é impresionante. Logo continuamos viaxe e paramos no castro das Grobas, pero temos que confesar que a maleza non nos deixou velo en todo o seu esplendor.
A última parada foi en Rinlo onde paseamos polo seu precioso casco urbano e paramos na ponte un bon bocado, onde aproveitamos para beber e petiscar os bocatas que cada un traía. Como a cousa foi con calma, non puidemos facer a última parte na que tiñamos previsto visitar o muíño da Madanela... pero non nos dá pena porque para o curso que vén imos repetir a experiencia.
A conclusión é que a bici dá moitas satisfacións, vale para facer exercicio, e en Ribadeo é un medio de transporte rápido, barato, e eficaz. Animamos a todos os alumnos e alumnas a que proben e xa veredes o útil que é.
A segunda parte consistiu nun paseo en bici, tomando como referencia a costa e chegando até Rinlo. Participamos sobre unhas trinta persoas, e temos que confesar que foi moi agradábel ao que contribuíu o bon día que tivemos.
![](https://blogger.googleusercontent.com/img/b/R29vZ2xl/AVvXsEguGoTVq-oCOGtTuYX8LkAmY0FjQ-ctibwaJMXak2eG-sdztab6y-uI0v2Lx0xErq4cUK__o08w1gmrwba8zqVA5jeNgF8wYmZbDuncMN4BUdWKtYuXlAdTpvafcqyea7qs_-5ItCsEdi9U/s320/vive+a+bici+2010-1.jpg)
A primeira parada foi na Illa Pancha onde o encargado do faro nos explicou o seu funcionamento e nos permitiu subir á torre, desde onde a vista é impresionante. Logo continuamos viaxe e paramos no castro das Grobas, pero temos que confesar que a maleza non nos deixou velo en todo o seu esplendor.
A última parada foi en Rinlo onde paseamos polo seu precioso casco urbano e paramos na ponte un bon bocado, onde aproveitamos para beber e petiscar os bocatas que cada un traía. Como a cousa foi con calma, non puidemos facer a última parte na que tiñamos previsto visitar o muíño da Madanela... pero non nos dá pena porque para o curso que vén imos repetir a experiencia.
A conclusión é que a bici dá moitas satisfacións, vale para facer exercicio, e en Ribadeo é un medio de transporte rápido, barato, e eficaz. Animamos a todos os alumnos e alumnas a que proben e xa veredes o útil que é.