Micoloxía

Para non perder as boas costumes, a semana pasada tivemos no laboratorio de ciencias unha exposición de setas. Aínda que non se puido facer a saída habitual ó Campo do Oso porque os dous días elexidos chovía que metía medo, os alumnos trouxeron voluntariamente os exemplares que atoparon e montamos unha pequena exposición na que se podían observar entre outras: Amanita muscaria (seta dos enanitos), Lepiota procera (parasol), Coprinus comatus (coprino), Boletus badius (boleto), Sparassis crispa (coliflor), Poliporus sulfureus, Lycoperdum maximum (bejín xigante) e Lycoperdum molle (peido de lobo).

Por suposto que había moita menos variedade ca outros anos, pero pese a todo, a actividade mereceu a pena e foi aproveitada por moitos alumnos.

I Mostra de Ciencia e Cinema

Do 22 ao 24 de outubro a Casa das Ciencias da Coruña organizou a I Mostra de Ciencia e Cinema na cal participaron, como membros do xurado da sección xove, dous alumnos de 4º de ESO deste instituto, Jairo Valea López e Sandra Regodeseves López, . Velaquí as súas experiencias:

A viaxe en bus foi un pouco pesada, pero gustoume moito ir á Coruña grazas á hospitalidade e ao ben que se portaron con nos os monitores, Bibiana e Fuco. Había seis colexios ademáis do noso: tres da Coruña, un de Pontevedra, un de Vigo e un de Cambre. As películas eran todas moi boas, o problema é que non todas podían ganar. A organización tivo un bonito detalle ao levarnos a ver o Aquarium (retrasaron a cea das focas para que nós puidésemos ver como lles daban a comida) que foi unha experiencia marabillosa. Logo volvemos á Domus, onde se proxectaban as películas, para escoitar a conferencia de Javier Jáuregui sobre a contaminación lumínica, un tema moi interesante e a ter en conta. Non puidemos escoitala toda debido a que os rapaces e rapazas dos colexios que non eran da Coruña tiñamos que ir ao hotel, que era fantástico. O venres rematamos de ver as películas e tivemos que decidir cal era a mellor. As votacións foron reñidas e acabaron empatadas dúas películas: "os lingüistas", trataba de dous homes que investigaban as linguas que están a piques de desaparecer, e "Terra Incógnita", sobre un pai que tiña unha filla tetrapléxica e investigaba coas células nai. Ao final repartimos o premio de 2000 euros entre as dúas, xa que criamos que as dúas o merecían.
Agora so me queda agradecer ao instituto en xeral por permitirnos esta bonita e inesquecible, e probablemente única, experiencia e polo seu interese por nós durante a viaxe e tamén darlle as grazas a Antonio Gregorio por pensar en nós. Se algunha vez volo ofrecen non o dubidedes e ide.

Sandra Regodeseves López

O día 22 de outubro saín da estación de autobuses con dirección a Coruña. Chegamos alí cara ás 11:20. Logo comezamos a ver as películas. Ás 14:00 comemos e ás 16:00 fomos ao Acuarium. Logo tivemos unha conferencias sobre a contaminación lumínica. Partimos logo para o hotel e ceamos.
Estiven vendo a televisión e durmínme ata o día seguinte.
Ó día seguinte volvemos a ver varias películas e fixemos a votación. Gañaron 'The Linguists' e 'Terra incógnita”. Comemos e ás 4 estabamos rumbo a Ribadeo.
Paseino moi ben.

Jairo Valea López

Percorridos. Artes plásticas na Mariña.

O mércores 22 de outubro, os alumnos e alumnas de 3º ESO tiveron o privilexio de saír do instituto por uns intres e visitar a exposición Percorridos: Artes plásticas da Mariña, sita no castelo de San Damián. Esta exposición colectiva ubícase en diferentes espazos da provincia (Mondoñedo, Cervo, Ribadeo) e integra unha selección variada da obra de artistas lucenses de varias xeracións e, polo tanto, múltiples sensibilidades.

A visita foi dirixida por un dos creadores da mostra e antiguo compañeiro de profesión, Mauro Leivas, quen, nun esforzo didáctico encomiable pola súa parte, tentou resumir as rupturas, movementos e transformacións da arte para comprender mellor a escolma de pezas alí recollidas.

A escultura, a fotografía, a instalación, o video, a pintura e o debuxo dábanse a man nun equilibrio sintetizador, ejemplificando o discorrer híbrido da creación actual, moi deudora aínda das convulsións estéticas do pasado século.

A charla foi amena e a visita fíxose breve, a proposta cumplira a súa función de enriquecer as miradas do alumnado e deixou no ar moitas preguntas sobre o actual labirinto da arte e os seus amplos e personais vieiros.

Oscar Villanueva

El beso del Sahara

Dentro del programa de animación a la lectura organizado por el IES “Porta da Auga”, Gonzalo Moure presentó su libro El beso del Sahara a los alumnos de la ESO. La exposición fue muy animada y, como siempre, el autor, supo captar la atención de su auditorio. No se trataba de hablar sobre un libro previamente leído, sino de suscitar el interés por su lectura sin desvelar el contenido de la obra.
Gonzalo Moure tiene desde hace tiempo una estrecha relación con el pueblo saharaui, viaja con frecuencia a la región en la que habitan varias de sus familias de adopción y es un apasionado defensor de la causa de este pueblo olvidado en los confines del desierto. Su presencia en el instituto contribuyó, por lo tanto, a recordar una deuda moral que nuestro país tiene con los pobladores de su antigua colonia.
El coloquio posterior a la charla brindó la ocasión de que numerosos alumnos se interesasen por la vida y la cultura del pueblo saharahui, que vive en unas condiciones extremas, difíciles de imaginar. No solo fue un acto de animación a la lectura, también constituyó una llamada a la solidaridad.
Los organizadores de la actividad esperan que los asistentes al acto lean la obra y experimenten una transformación similar a la de la protagonista, aunque advierten que con ello corren un cierto peligro.

Segunda parte do intercambio escolar con Les Sables D'Olonne

Rematou cun rotundo éxito o cuarto intercambio escolar que este centro realiza co colexio Notre-Dame de Bourgenay de Les Sables D´Olonne, Francia.
Dende o 12 ao 21 deste mes 26 alumnos e alumnas dos cursos de ESO viaxaron a Francia devolvendo a visita que os escolares franceses nos fixeron no mes de abril. Estiveron acompañados das profesoras Julia Gallego e Teresa García que xa coñecían a localidade de visitas anteriores.
Ademais da convivencia en familia, de disfrutar da bonita cidade de Les Sables D'Olonne, das súas praias e alrededores e practicar o francés, aproveitaron para visitar os parques temáticos de Puy du Fou e Futuroscope de Poitiers, o centro da prehistoria Le Cairn e lugares de interese da cidade.
Foron uns días ben aproveitados dos que seguro que gardarán uns gratos recordos, tamén grazas a magnifica acollida e hospitalidade que en todo momento lles brindaron os nosos amigos franceses.

Número XVII da revista XERFA

O novo número da revista XERFA está máis que nunca cheo de participacións dos nosos alumnos e alumnas en forma de poesías, contos ou entrevistas a personaxes tan coñecidos como María Castro ou Antón Durán.

Vótelle unha ollada aquí.

Intercambio Rianxo-Ribadeo

O pasado mércores 28 concluíuse o intercambio realizado entre os institutos Félix Muriel de Rianxo e o Porta da Auga, que tiña como principal obxectivo a convivencia e coñecemento dos dous pobos, fomentando o galego.

O proxecto comezou coa nosa viaxe a Rianxo no mes de abril, onde a pesar do mal tempo, puidemos coñecer o pobo e ter un maior vínculo cos rianxeiros/as.

Este mes foi o seu turno, e polo tanto o traballo recaeu sobre nós para darlle unha boa benvida. Despois dunha breve presentación e actuación por parte dos alumnos comezou a visita polo noso pobo. O tempo, unha vez máis, xogounos unha mala pasada e os plans previstos víronse bastante truncados, pero aínda así puideron coñecer bastantes recunchos da nosa vila, a pesar de que moito do recorrido fora en autobús.

Levámolos a Santa Cruz, onde camiñamos e posteriormente baixamos ao pavillón a realizar xogos populares. Visitamos lugares emblemáticos da vila (o concello, o parque, o faro, diferentes rúas,...), tivemos algo de tempo libre, e despois continuamos a nosa visita pola zona costeira ata a vila mariñeira de Rinlo, onde finalizou a nosa experiencia.

Agardamos que o noso pobo lles gustase e que quedaran contentos coa visita!.

Andrea Martínez

Antía Blanco

Viñeron os(as) de Rianxo...

Este mércores 28 os alumn@s e profesores do IES Felix Muriel de Rianxo viñeron, dentro das actividades de intercambio promovidas polo Equipo de Normalización e Dinamización Lingüística, devolvernos a visita. Nin a auga caída foi quen de augarnos a festa!
Nada máis chegar, a iso das 12, recibímolos como se debe: no Salón de Actos, con saúda do noso Dire e unha breve e interesante explicación de como é este curruncho da nosa Terra que é Ribadeo, do traballo que fixemos e estamos facendo do equipo, proxección visual, lectura de algún poemiña e ata interpretación artística cantada; todo isto, claro está, a cargo noso, dos alumnos/as.
Santa Cruz foi o que veu a continuación. Vista panorámica, xogos ... que quedaron reducidos ao tiro de corda porque ... coa que caía! Iso si, puidemos dar boa conta dos bocatas que levábamos.
E como chovía, un pouco de pavillón, con xogo de billarda, pano e convivencia-convivencia, no que algúns tiveron máis éxito que outr@s.
Mirasol-Figueirúa, percorrido polo paseo marítimo Alfonso Rodríguez Castelao (mira que é bonita a Ría con Castropol e As Figueiras do outro lado!), visita a Cargadeiro e Forte San Damián (con explicación documentada pola nosa parte) e, para rematar, chegada ata o faro de Illa Pancha.
Volta a Ribadeo, breve paseo por San Roque, as Catro “Calles”, parque (Torre dos Moreno e Pazo de Ibañez) e tempo libre.
E para rematar un moi agradável paseo pola zona do porto de Rinlo, aproveitando o mellor sol do día. Entrega de obsequios e, con certa pena, despedida. A vida segue e quizás algúns e algunhas nos volvamos ver ...

3ª Sesión de cinensino

O pasado mércores, día 14 de maio, o alumnado do 1º ciclo de ESO asistíu á proxección do filme "Un puente hacia Terabithia" na que foi a terceira e última sesión, neste curso, do programa cinensino.
No filme Jess (Josh Hutcherson) e Leslie (AnnaSophia Robb) son dous nenos de doce años cunha imaxinación desbordante. Desde o primeiro día que se coñecen na escola, o seu desexo de escapar dunha realidade mediocre que non lles agrada levaraos a crear na metade do bosque un mundo imaxinario e marabilloso: Terabithia. Este mundo fantástico, do que eles son amos e señores, acabará sendo un reflexo da súa realidade cotiá e axudaralles a enfrontarse a certos medos e inseguridades e a establecer entre eles un vínculo tan forte que non poderá ser roto por nada nin ninguén.

XIII día da Ciencia na Rúa de A Coruña

O que é a vida: a Feira da Ciencia do IES porta da Auga vai unha edición por diante desta macro feira de A Coruña. Macro polo número de participantes e centros, así como polo número de proxectos e difución comparada coa nosa. Pero precisamente por eso van un pasiño por detrás nalgunhas cousas. Tamén eles están a plantexarse unha pequena reducción de tamaño, a pesares de que teñen sitio e o tamaño facilítalles o ter un orzamento grandiño. E é que o máis grande non ten por que ser mellor.
Voltando ó tema principal, o pasado 10 de maio 23 alumnos e alumnas, unha profesora e un profesor achegámonos á Coruña, o Parque de Sta. Margarida, para participar na primeira edición deste evento con participación do galego. E é que ata o momento toda a cartelería se facía só en castelán. O por que do cambio? Política municipal.
Non damos entrado en materia. Repetición: 23 alumnos e alumnas, que trouxeron como agasallo unha camiseta, a bolsa da comida, un pin... e outras cousas como unha volta gratis pola Coruña ou unha lesión nunha perna no Corte Inglés (que xa é categoría ser atendido no botiquín de dito comercio)
Pero, non era un día de ciencia? Certo. Por turnos, na carpa asignada ('jaima', na denominación aborixe coruñesa), foron expostos os traballos Circuíto humano, Mesa de billar trucada, Cubiño de xeo en aceite, Visión vacuna, Esqueleto de raposo, O Ferro dos cereais, Imáns que levitan, Vasos pegañentos e Tamiz hermético, todos vistos na nosa feira de abril deste ano.
O ambiente, a pesares da choiva, foi moi bó. Ata houbo intercambio de números de móbiles e correos electrónicos con xente foránea, chamada moitas veces de intención para visitar a nosa carpa. A atención á xente de fóra, exquisita. Anécdotas, moitas, pero coido que deben ser contadas pola xente que as viviu. Aprendizaxe? Abondo; sempre se ve algunha novidade e afeitos á nosa feira, sempre se procura con maior eficiencia que os que van de visita a unha exposición coma este.
Unha precisión: a gratuidade ven de que os 'Amigos da Casa das Ciencias' nos pagan a viaxe precisamente para que levemos experiencias amosadas aquí, na nosa feira.
En resumo, hai xente que xa está esperando a próxima edición para participar e 'aprender' cousas, alí e dándose un garbeo pola Coruña, por exemplo, polo Acuario, que ese día está aberto e ten transporte e entrada gratuítos para os participantes como nós.

Xa está en marcha un novo proxecto de intercambio

O Consello de Europa insiste na necesidade de que as persoas desenvolvan competencias suficientes en máis de una lingua estranxeira para relacionarse con outros membros dos países europeos. As persoas plurilingües poden aproveitar plenamente as vantaxes que representa vivir nunha Europa multicultural: saber linguas contribúe ao pracer de viaxar e axuda a facer amigos; ademais, pode traducirse en mellores perspectivas laborais. Os cidadáns da UE teñen dereito a vivir e traballar en calquera lugar da Unión. Polo tanto, é moito máis fácil facer uso deste dereito si se fala a lingua do país ou da rexión á que se desexa ir.

Neste ano Europeo do diálogo intercultural os responsables dos centros educativos estamos tamén chamados a promover entre os xoves a aprendizaxe de linguas estranxeiras e a fomentar o coñecemento e a comprensión da diversidade de culturas. Esta tarefa na que vémonos máis directamente implicados os profesores de idiomas, resulta farto difícil. Somos conscientes de que na práctica diaria na aula no sempre é fácil espertar o interese dos alumnos pola lingua estranxeira, nin levar a cabo una pedagoxía fundada no entusiasmo e a intelixencia creativa, capaz de estimular a observación, a atención, reflexión e sentido crítico; aspectos que nos parecen de suma importancia na aprendizaxe dunha lingua. É precisamente por este motivo polo que desde o Departamento de Francés vimos a necesidade de traballar para ofrecer os nosos alumnos unha ensinanza da lingua e da cultura francesa que non se vexa reducida a unha mera competencia comunicativa exercida sobre situacións simuladas. Isto é, situacións nas que o alumno entra no xogo si se lle presentan de forma atraente e se sente psicológicamente próximo aos personaxes representados. E o noso desexo que dita ensinanza estea reforzada pola posibilidade dunha comunicación real e directa con falantes francófonos, que procure aos nosos estudantes un mellor coñecemento dos aspectos socioculturais que transmite a lingua estranxeira.

Para a consecución deste obxectivo vimos desenvolvendo unha liña de actuación baseada na participación en distintos proxectos europeos, xa sexa dentro do programa Comenius (acollida de axudantes lingüísticos, asociacións escolares) xa, dentro do marco das axudas da Xunta de Galicia para a realización de intercambios lingüísticos (Collège Notre-Dame de Bourgenay en Les Sables d´Olonne, Lycée Laënnec en Pont-L’Abbé, Collège International Marie de France en Montreal). Un número importante de alumnos de FLE se viu beneficiado coa realización destas iniciativas, apreciando o valor da lingua estranxeira como medio de comunicación con persoas pertencentes a unha cultura diferente e como elemento favorecedor das relacións sociais e interpersoais.

As razóns aducidas anteriormente, así como a experiencia positiva manifestada polos profesores e alumnos dos centros participantes leváronos a considerar oportuna a organización dun novo proxecto de intercambio para este curso 2007/08. Este cuarto proxecto con o centro Notre-Dame de Bourgenay, supón un paso máis na nosa andadura e na nosa afirmación de apertura, pois o noso departamento ao igual que o noso centro non cesan no seu empeño de abrirse ao mondo.

Como en anos anteriores esta actividade, que contou coa participación dun nutrido número de alumnos, desenvólvese en dúas fases:

• 
  
  Unha primeira visita dos estudantes e docentes franceses a Ribadeo que abrangueu do 05 ó 12 de abril. Optouse pola acollida familiar como modalidade de aloxamento. O Departamento de Francés do I.E.S. “Porta da Auga” organizou con motivo da súa estadía na nosa vila un variado programa de actividades que en moitos casos quedaron deslucidas por causa do mal tempo.


• 
  
  Os alumnos e profesores españois viaxaremos a Les Sables d´Olonne o 12 de setembro. A duración da nosa estadía no país veciño será de 8 días rematando o 22 de setembro, día de regreso a Ribadeo. Como no caso anterior serán as familias as encargadas de aloxar a aprendices e educadores.

O interese espertado por este tipo de proxectos anímanos a seguir traballando e apostando pola realización destas e outras iniciativas que favorezan e estimulen o estudo da lingua francesa e sobre todo o uso da mesma en situacións de comunicación reais con falantes francófonos.

Les élèves de 4º ESO ont présenté un travail à la Bibliothèque

Ce travail est divisé en deux parties LE VOYAGE DES MOTS et L'ORIGINE DES NOMS
On a revisé les curiosités des noms de famille: de noms de métier (census de Paris de l' année 1292), de noms d' animaux (avec la carte de France pour montrer les departements où ils sont fréquents) ainsi que les sobriquets( chauve, camus etc.). Les noms de personne sont representés ici par des noms de saints (martyrs).
Les noms de quelques villes d' origine grècque, latine, celte...Marseille, Nantes, Lyon, La Rochelle, Paris,etc.
L' origine de la langue française a été étudié chronologiquement. On a cherché des mots gaulois, des mots latins conservés tels quels dans le français actuel, et de mots provenants de l' Amérique et les îles(à partir de sa découverte), des mots chinois, japonais, allemands, russes, africains...
Sur la carte du monde de notre classe nous avons disposé des bateaux, des avions, des voitures...où les mots ont voyagé à travers les mers, la terre et le ciel pour arriver en France.
Ce travail est signé par Anxo, Alberte, Alba, Claudia, Carlota, Edén, Luisa et Marta

Crónicas de sociedade

Os alumnos de 4º ESO de Cultura Clásica, guiados pola súa profesora, elaboraron a exposición ubicada na Biblioteca co fin de dar a coñecer os aspectos básicos da vida cotiá no mundo antigo, dende o nome dos días ata os meses do ano, dende a distribución das ocupacións (dependendo do sexo) ata o disfrute do ocio, dende un prandium (almorzo) frugal ata unha cena copiosa.
Imaxes de política, sociedade, educación, infraestructuras, urbanismo, etc (do Latín et cetera “e o demais”) do pasado clásico mestúranse con imaxes deses mesmos aspectos da nosa actualidade, o resultado é descubrir e valorar que nin eles eran tan arcaicos nin nós tan modernos, que nunhas cousas adiantamos e noutras mantémonos iguais, que as nosas raíces están no mundo antigo e que gracias a elas somos como somos.

Agradecemento especial merecen os pais da alumna Sagrario Fernández Saavedra quenes nos elaboraron unha maxistral maqueta do Coliseum.

O departamento de administrativo leva ós seus alumnos ó xulgado

¿Tan mal se portan? Non, non é iso. Velaí o que aconteceu.
O pasado luns 31 de marzo, os alumn@s de Ciclo Medio de Xestión Administrativa e de 1º curso do Ciclo Superior de Administración e Finanzas, acompañados polos profesores José María e Anxo, participaron, na cidade de Lugo, nunha actividade extraescolar organizada polo Departamento de Administrativo.
Pola mañá asistiron a varias vistas nos Xulgados do Social de Lugo. Foron casos de reclamacións de cantidades por impago de salarios, demanda de despido improcedente, disconformidade coa calificación de incapacidade temporal como enfermidade común, … e incluso de mobbing (acoso laboral).
A valoración do alumnado foi moi favorable, xa que visualizaron exemplos de aplicación práctica de contidos estudados en clase.
Despois dun refrescante paseo polo adarve da muralla, Patrimonio da Humanidade, e única de orixe romana no mundo que conserva íntegro todo o seu perímetro (valoremos o noso!!), comprobaron aquilo de “..e para comer, Lugo.”
Á tarde realizaron unha breve visita guiada ó Museo Provincial, vendo en detalle a sección de arqueoloxía, etnografía, os mosaicos romanos, a expresiva “Ofrenda a San Ramón” de Asorey e a sección de ouriversaria, co Torques de Burela e o Cabalo Alado de Ribadeo.
Todos quedaron con gañas de volver, xa que o tempo foi escaso para aprezar a riqueza desta Institución.
E unha vez “vista para sentenza” a viaxe, voltaron no autobús a Ribadeo.

O concurso "As mates molan" xa ten gañadoras

O pasado venres 4 de abril tivo lugar a fase presencial e final do concurso “As mates molan”, organizado polo departamento de matemáticas e o equipo de normalización e dinamización lingüística do centro.
Para esta fase clasificáronse as alumnas: Ana alonso Pérez, do CPR Martínez Otero de Foz; Lucia Barrera López, do IES Perdouro de Burela; e Mª Victoria Durán López e Menalia Yáñez Basanta do IES Vilar Ponte de Viveiro. Estas alumnas acadaron as maiores puntuacións na fase web do concurso e foron as únicas concursantes que presentaron solucións aos seis boletíns de que constou esta fase.
A proba presencial consistiu na resolución de 8 problemas nun tempo máximo de hora e media. O tribunal avaliador, formado polos profesores José Carlos García Barro, Alfonso Piñeiro Funcasta e Montserrat Villar Riveira, tivo que valorar ás participantes por unha estreita diferenza de puntos, polo que foi preciso cualificar non só a corrección da solución aportada, senón tamén a claridade da explicación e expresión utilizada.
O primeiro premio recaeu en Ana Alonso Pérez, do CPR Martínez Otero de Foz, e o segundo en Menalia Yáñez Basanta, do IES Vilar Ponte de Viveiro. Tal e como establecen as bases do concurso recibirán, respectivamente, 100 € en vales de compra e un MP4.
Dende o departamento de matemáticas do IES Porta da Auga queremos agradecer moi sinceramente aos demais departamentos dos centros participantes a difusión deste concurso e aos alumnos e alumnas a súa participación
Felicitamos tamén a todos os participantes pola orixinalidade das respostas aportadas, fannos lembrar aos profesores que sempre temos cousas que aprender do alumnado.
Finalmente a nosa especial noraboa ás gañadoras e demais alumnas que chegaron á fase presencial, as catro teñen mérito, aínda que so podan recibir premio dúas delas.

A XIV feira está en marcha

Unha nova edición da Feira Da Ciencia e Tecnoloxía está en marcha.
Á inauguración, que tivo lugar hoxe ás 18:00, asistiu, entre outras autoridades, o Sr. Delegado Provincial da Consellería de Educación e o Sr. Alcalde do Excmo. Concello de Ribadeo.
Logo dun breve acto, os asistentes tiveron a oportunidade de presenciar o primeiro experimento desta edición, “o lanzapatacas”, unha especie de bazoca que utiliza como material pirotécnico o gas dun espray e unha pataca a modo de proxectil.
Pero as sorpresas non se acababan aí, dentro do pavillón onde se desenvolve a feira viuse unha demostración práctica de fabricación de biodiesel e dos plásticos máis primitivos que se obtiñan do leite, unha explicación do fraude que se esconde detrás do anuncio “cereais ricos en ferro”, dos efectos que o alcol produce non seres vivos, o control automático dun aparcamento e un moi longo etcétera xa que son máis de 80 experiencias e dúas exposicións: “Escher e as Matemáticas” e “Prestige, crónica negra dun modelo enerxético insostible”.
Nos días sucesivos, ata o venres 4 a mediodía, pasarán pola feira unhas 1000 persoas entre alumnado e público en xeral.

Rallye matemático

Un grupo de alumnos de 3º de ESO participuo no XVI Rallye Matemático sen Fronteiras 2008, organizado por AGAPEMA (Asociación Galega de Profesores de Educación Matemática).
A proba desenvolveuse hoxe ás 16:00 e consistiu no traballo en grupo na resolución de problemas. Como se pode ver na foto, a entrega e concentración foi total.
Juan Soto, profesor de matemáticas, foi o que inscribiu a este grupo na proba e participou encargándose da vixilancia dun grupo no IES Vilar Ponte de Viveiro e, reciprocamente, unha profesora dese centro vixiou aos nosos participantes.
Na páxina de AGAPEMA pode atoparse máis información sobre esta proba, así como as solucións aos problemas propostos.

Teatro "Pisa la raya"

O venres 14 de marzo, último día de clase antes das vacacións de Semana Santa, o Concello de Ribadeo ofreceu para o alumnado dos centros de secundaria de Ribadeo a representación teatral “Pisa la raya”, da compañía alavesa Pikor Teatro.
Trátase dunha obra dirixida ao público xuvenil de 14 anos en adiante que recrea de forma divertida situacións tristemente habituais entre os xoves desas idades: a presión do grupo no consumo de drogas, a primeira vez que se proba, o medo á transgresión, o consumo compulsivo que caracteriza aos hábitos xuvenís, as drogas como evasión da realidade, o entusiasmo e a decepción, a adicción, a falacia que supón a distinción entre drogas legais e ilegais, a adulteración e sobre todo o grave risco que supón para o consumidor de calquera tipo de droga a ignorancia e a desinformación sobre o tema.
Do IES Porta da Auga asistiu o alumnado dos bacharelatos e ciclos formativos de administración, en total uns 90 alumnos e alumnas.

2008, XIV Feira da Ciencia e Tecnoloxía

De novo, a feira de abril marcará o paso de descubrimentos en ciencia no noso centro. Pouco que ver con edicións anteriores, menos aínda cas do principio, en tempos nos que non se coñecían as memorias USB, Youtube ou o chat. A feira de abril, neste caso, non é a de Sevilla, senón a da ciencia e tecnoloxía. A segunda neste curso: outra novidade despois da feira de outono, que se encadrou por primeira vez na semana europea da ciencia e tecnoloxía. Unha novidade que posiblemente pode variar as datas de realización da feira no futuro.
Catorce edicións dan para moito, algo que pode verse na web, pero tamén para soñar co moito que poden chegar a dar outras tantas. É para ter medo cavilando como sairá este ano: cada edición é un desafío para levar a cabo moitas actividades, e non todas saen ben, aínda que se poña esforzo. Como será este ano?.

Campaña de sensibilización sobre la enfermedad mental.

La Campaña MENTALÍZATE pretende informar, sensibilizar y formar a los jóvenes y educadores sobre la realidad de la enfermedad mental, su tratamiento, las conductas que potencian la salud mental y las acciones que favorecen la correcta detección de trastornos mentales.
La enfermedad mental es una patología severa y persistente, que en parte puede prevenirse con la ayuda de la comunidad educativa, colaborando en la detección precoz de síntomas, y educando en habilidades interpersonales para prevenir las conductas de riesgo, tales como el consumo de cannabis y otras drogas, y fomentando los hábitos de vida saludables.
La O.M.S. ha declarado que la falta de una buena salud mental en las primeras etapas de la vida, puede provocar enfermedades mentales a largo plazo, que acompañarán a la persona en toda su existencia. Actualmente, se calcula que al menos el 20% de los adolescentes y jóvenes del mundo sufren una enfermedad mental.
Es necesario que asociaciones, profesionales de la salud mental, familiares, centros educativos, trabajemos juntos para informar a los jóvenes y de esta manera, prevenir futuras enfermedades o al menos, poder detectar lo antes posible la aparición de alguna de ellas.
Es fundamental aumentar la conciencia social sobre las necesidades de los más jóvenes en materia de salud mental, ya que en estas etapas, la aparición trastornos emocionales y conductuales ha de tenerse muy en cuenta, y así prevenir el desarrollo de la enfermedad.
Los jóvenes viven muchas situaciones de riesgo en materia de salud mental: el estrés, los problemas emocionales, el abuso de sustancias desde edades cada vez más tempranas, las altas tasas de suicidios, los desajustes alimenticios... son problemas que los afectan y que pasan desapercibidos en muchas ocasiones.
Por todo ello, desde la ASOCIACIÓN DE AXUDA Ó ENFERMO MENTAL A MARIÑA consideramos que una Campaña Informativa y de Sensibilización sobre la Enfermedad Mental para jóvenes , es necesaria para acabar con mitos y prejuicios, acercarle a los jóvenes una realidad desconocida, así como facilitar información sobre los recursos apropiados de los que disponer de cara a afrontar una enfermedad mental.