![](https://blogger.googleusercontent.com/img/b/R29vZ2xl/AVvXsEjcx-bAN8tMORCTvpv9DiqCKhodhczV9n3dL5A9y6OByFbhYF8r1yr0faihhF-ah1tiRLrrqkog4k_tmyctDWM27NUlbziIAwTIDQMmWNYg8R6bI9feA4Cl8g7DYzis9oXjhAtXIXmCokQP/s320/melide_2_2012.jpg)
Comezamos nós
visitando Melide. A súa calurosa acollida, con actuacións musicais de grupos de
vento e de música tradicional, agasallo de melindres e doces típicos de Melide
e visita ás instalacións do instituto, superou calquera tipo de expectativas.
Continuaron
mostrándonos parte do seu interesante
patrimonio (Igrexa de Santa María e aldea de Furelos, no Camiño Francés a
Santiago de Compostela). Seguiu o xantar na área recreativa á beira do río, con
baño incluído.
Á tarde, visitamos
o Museo de Melide, con interesantes coleccións, etnográficas e arqueolóxicas,
de utensilios recollidos na comarca. De seguido, concurso de grupos, no que
valéndose de pistas espalladas pola vila, houbo respostando a un cuestionario.
E ao final había premio!
![](https://blogger.googleusercontent.com/img/b/R29vZ2xl/AVvXsEjlsMI35d3kijD3saV4jwykfn2KhKkh8n63k3Ci2IXbL5N3QOFNGhAw6LLFo1K2qsKiJwM5xxtQKvcL3owkLAwBLMdQTUuKmQ3weunnrI4dn4dbzVd48BC1j8ZfA0jXbW7EXqt6Mn-ycMJ_/s320/melide_1_2012.jpg)
O día 30 tocounos a
darlles a acollida. Comezamos coa actuación dun cuarteto que lles ofreceu un
pequeno concerto de percusión utilizando como instrumentos … contedores do
lixo! Foi moi bonito ver a súa cara de sorpresa e se ían enganchando co ritmo.
A partir de aquí, o optimismo xa se extendía entre as nosas filas. Acto de
acollida, con canción coral de “E ti que
lingua falas?” e “A Rosiña do
estanqueiro” e breve explicación sobre Ribadeo e sobre o programa
de actividades do día.
Levámolos polo
paseo marítimo, mostrámoslles as vistas desde o ascensor e a Atalaia, estivemos
no Cargadeiro e no forte San Damián e subimos ao faro de Illa Pancha. E o tempo
aínda deu para un baño en Rochas Brancas.
![](https://blogger.googleusercontent.com/img/b/R29vZ2xl/AVvXsEhI54H2XfWItYU0XUOQzpOfIcYPGcb24Jw4Y_rP37u1DrwrpwdcrhqFfVrqilI9hp8IDG68TOfbrhMYKd5xXYqW1_p6V83ktnAScNQg3V04f8ZRwa02bUvDT3qjKjCxCcPn6w9cxdm6Ysn-/s320/melide_3_2012.jpg)
E a despedida, na
Praia das Catedrais. Sen dúbida que desta xornada, á parte do bo recordo e de
ter aprendido algo máis sobre outra zona do noso País e incluso sobre como
somos nós, para algunhas/os quedan novos amigos/as cos que seguiremos en
contacto.
A actividade estivo
organizada polo Equipo de Dinamización da Lingua Galega.
No hay comentarios:
Publicar un comentario